ნინო ლომჯარია - "ქართულ ოცნებას"  სმენა დახშული აქვს და ამბობს, რომ მუხტი განელდა, მუხტი არსად განელებულა - მთელი საქართველო ვამბობთ, რომ არ გვინდა რუსეთთან ერთად იზოლაციაში ყოფნა

მთელი საქართველო ვამბობთ, რომ არ გვინდა ეს კანონი და არ გვინდა რუსეთთან ერთად იზოლაციაში ყოფნა, - ამის შესახებ ყოფილმა სახალხო დამცველმა, ნინო ლომჯარიამ მარშის მიმდინარეობისას "ინტერპრესნიუსს" განუცხადა.

როგორც მან აღნიშნა, ძალიან მნიშვნელოვანია, რომ სწორედ დღეს, საქართველოს დამოუკიდებლობის დღეს, ქართველმა ხალხმა ხელისუფლებას მათი ხმა გააგონოს.

"ძალიან მნიშვნელოვანია, რომ სწორედ დამოუკიდებლობის დღეს დავდგეთ ისევ ერთად და გავაპროტესტოთ ამ ქვეყნის საგარეო პოლიტიკური კურსის ცვლილება და დემოკრატიული წყობილების, ავტორიტარიზმის ჩანაცვლება, იმიტომ, რომ დღეს ისევე, როგორც 105 წლის წინ, ჩვენ კვლავ გვაქვს დასაცავი ჩვენი სუვერენიტეტი, დამოუკიდებლობა. ხვალ კომიტეტი განიხილავს ვეტოს დაძლევის საკითხს და მთელი საქართველო არის გარეთ გამოსული. ეს ძალიან მნიშვნელოვანია, რადგან ხელისუფლებას კიდევ ერთხელ დავანახოთ, რა სურს ხალხს. "ქართულ ოცნებას" სმენა დახშული აქვს და ამბობს, რომ მუხტი განელდა. ეს მუხტი არსად განელებულა. მთელი საქართველო ვამბობთ, რომ არ გვინდა ეს კანონი და არ გვინდა რუსეთთან ერთად იზოლაციაში ყოფნა. ამიტომ, ეს არის ჩვენი ერთიანობის და ჩვენი პროტესტის კიდევ ერთი დემონსტრირება",-განაცხადა ლომჯარიამ.

მისი თქმით, ხელისუფლებას მოუწევს ქართველი ხალხის ხმის გათვალისწინება.

"ძალიან დაზიანებული გამოვა ან პროცესიდან ნებისმიერ შემთხვევაში. მიიღებს თუ არა ამ კანონს, მისთვის ეს ძალიან დამაზიანებელი იქნება იმიტომ, რომ საერთაშორისო სანქციები ელოდებათ. ეს გარდაუვალი იქნება. ეს პროცესი ქართველი ხალხის გამარჯვებით დასრულდება", - განაცხადა ლომჯარიამ.

ცნობისთვის, "მარად და ყველგან, საქართველო მე ვარ შენთანა", ამ ლოზუნგით საპროტესტო აქციის მონაწილეები მსვლელობით ვაკის პარკისკენ გაემართნენ. ისინი "უცხოური გავლენის გამჭვირვალობის შესახებ" კანონპროექტს ეწინააღმდეგებიან და ხელისუფლებას მოუწოდებენ, არ მიიღოს.ს

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024