ვაკის პარკში საპროტესტო აქცია, ლოზუნგით "მარად და ყველგან საქართველო მე ვარ შენთანა", დასრულდა.

აქციის მონაწილეებმა საქართველოს დამოუკიდებლობის დღეს კიდევ ერთხელ გააპროტესტეს "უცხოური გავლენის გამჭვირვალობის შესახებ" კანონპროექტი და ხელისუფლებას მოუწოდეს, უკან გაიწვიოს.

აქციის მონაწილეები თავდაპირველად ფილარმონიასთან შეიკრიბნენ, შემდეგ კი მსვლელობით ვაკის პარკთან გადაინაცვლეს.

აქციაში მონაწილეობდნენ სტუდენტები, პროფესორ-მასწავლებლები, არასამთავრობო ორგანიზაციის წარმომადგენლები, პოლიტიკოსები, კულტურისა და სხვადასხვა სფეროს წარმომადგენლები. აქციაზე გაჟღერდა საქართველოსა და ევროკავშირის ჰიმნები.

აქციაზე განაცხადეს, რომ ამ ბრძოლაში ქართველი ხალხი აუცილებლად გაიმარჯვებს.ს