გიორგი დოხტურიშვილი - ცენტრალურ ხელისუფლებასთან ერთად ყველა ზომას გამოვიყენებთ, რომ დროულად იქნას აღდგენილი დაზიანებები რომლებიც მუნიციპალიტეტებმა და რეგიონმა მიიღეს

ცენტრალურ ხელისუფლებასთან ერთად ყველა ზომას გამოვიყენებთ, რომ დროულად იქნას აღდგენილი დაზიანებები რომლებიც მუნიციპალიტეტებმა და რეგიონმა მიიღეს, - ამის შესახებ ქვემო ქართლში სახელმწიფო რწმუნებულმა გიორგი დოხტურიშვილმა განაცხადა.

„ქვემო ქართლის რეგიონში უხვმა ნალექმა გამოიწვია მნიშვნელოვანი დაზიანებები. 15-მდე სოფელია გარე სამყაროს მოწყვეტილი, თუმცა კომუნიკაცია გვაქვს ადგილობრივებთან. პრევენციის მიზნით მოხდა მოსახლეობის ევაკუაცია. რაც ყველაზე მნიშვნელოვანია მსხვერპლი არ არის.

სამაშველო სამსახური პროცესში აქტიურად არის ჩართული. ასევე სტიქიის სალიკვიდაციო სამუშაოებში ჩართულია როგორც ადგილობრივი, ისე ცენტრალური ხელისუფლება.

ინფრასტრუქტურის სამინისტროსთან ერთად მთავრობის ადმინისტრაციის ჩართულობით ყველა ზომას გამოვიყენებთ იმისთვის, რომ დროულად იქნეს აღდგენილი ის დაზიანებები რომლებიც მუნიციპალიტეტებმა და რეგიონმა მიიღეს“ , - აცხადებს ქვემო ქართლში სახელმწიფო რწმუნებული, გიორგი დოხტურიშვილი.

პრესსამსახურის ინფორმაციით, უამინდობის გამო შექმნილი პრობლემების მოგვარების მიზნით, ამ ეტაპზე მუნიციპალიტეტების მასშტაბით შესაბამისი ღონისძიებები ტარდება. პარალელურად, შექმნილია სტიქიისგან მიყენებული ზარალის დამთვლელი კომისიაც.

ქვემო ქართლში სახელმწიფო რწმუნებული გიორგი დოხტურიშვილი, საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსის მოადგილესთან, გიორგი მაქარაშვილთან და ადგილობრივი ხელისუფლების წარმომადგენლებთან ერთად პირადად გაეცნო სტიქიის ზონაში განვითარებულ მოვლენებს.

უხვმა ნალექმა ქვემო ქართლის რეგიონის მუნიციპალიტეტებში მდინარეების ადიდება გამოიწვია, რის შედეგადაც დაიტბორა სასოფლო სამეურნეო სავარგულებისა და საცხოვრებელი სახლების ნაწილი. დაზიანებულია საგზაო ინფრასტრუქტურა.

სტიქიურმა პროცესებმა მნიშვნელოვნად დააზიანა ბოლნისის, მარნეულის, თეთრიწყაროს და დმანისის მუნიციპალიტეტები. ადგილზე მობილიზებულები არიან შინაგან საქმეთა სამინისტროს საგანგებო სიტუაციების მართვის სამსახურის წარმომადგენლები ზოგიერთ ადგილას საჭირო გახდა მოსახლეობის ევაკუაციაც.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი