უკრაინის პრეზიდენტი, ვოლოდიმირ ზელენსკი დღეს მადრიდს ეწვევა, სადაც პრემიერ-მინისტრ პედრო სანჩესს შეხვდება, - ინფორმაციას უკრაინული მედია ესპანეთის მთავრობაზე დაყრდნობით ავრცელებს.

მათივე ინფორმაციით, შეხვედრის შემდეგაც ლიდერები მადრიდში ერთობლივ პრესკონფერენციას გამართავენ.

ვიზიტის ფარგლებში, ვოლოდიმირ ზელენსკი ასევე შეხვდება ესპანეთის მეფე ფელიპე VI-ს.

გამოცემა EFE, სამეფო სასახლის წყაროებზე დაყრდნობით, იუწყება, რომ მანამდე, უკრაინის პრეზიდენტმა, ფრონტზე შექმნილი რთული სიტუაციის გამო, ესპანეთში 17 მაისს დაგეგმილი ვიზიტი გააუქმა.