თამარ კორძაია - ლევან იოსელიანმა უნდა თქვას, ლახავს თუ არა ეს კანონი ადამიანის უფლებებს, თუ არა და მისი არაფრისმთქმელი ტექსტით ადამიანის უფლებების დაცვა არ მოუხდენია

ლევან იოსელიანს, რომელიც აქედან გავიდა, ზუსტად ის შეახსენეს, რომ მას არც ერთი სიტყვა ადამიანის უფლებების დარღვევასთან დაკავშირებით არ უთქვამს. იქნებ ეთერით მაინც გააგებინოთ, რომელ უფლებებზეა საუბარი! - ამის შესახებ პარლამენტის დამოუკიდებელმა დეპუტატმა, თამარ კორძაიამ პარლამენტის იურიდიულ საკითხთა კომიტეტის სხდომაზე განაცხადა, სადაც „უცხოური გავლენის გამჭვირვალობის შესახებ“ კანონპროექტზე პრეზიდენტის მოტივირებული შენიშვნები განიხილება.

მისივე თქმით, კომიტეტის სხდომაზე, სახალხო დამცველს სიტყვით გამოსვლის დროს ადამიანის უფლებების დაცვა არ მოუხდენია, რაც მისი ვალდებულებაა.

ლევან იოსელიანს, რომელიც აქედან გავიდა, ზუსტად ის შეახსენეს, რომ მას არც ერთი სიტყვა ადამიანის უფლებების დარღვევასთან დაკავშირებით არ უთქვამს. იქნებ ეთერით მაინც გააგებინოთ, რომელ უფლებებზეა საუბარი! ბატონ ლევანს, რომელიც ჩვენ გვეუბნება, როგორ უნდა დაადოს პრეზიდენტმა ვეტო, მე შევახსენებ, რომ მისი უპირველესი კონსტიტუციური ვალდებულებაა, ქვეყანაში ადამიანის უფლებების დაცვაზე ზედამხედველობა. ამიტომ ან დაბრუნდეს და თქვას, ლახავს თუ არა ეს კანონი ადამიანის უფლებებს და გააკეთოს განცხადება, თუ არა და მისი არაფრისმთქმელი ტექსტით, დღეს მას აქ ადამიანის უფლებების დაცვა არ მოუხდენია“, - განაცხადა კორძაიამ.

გარდა ამისა, კორძაიამ კომიტეტის სხდომაზე „ქართული ოცნების“ დეპუტატებს მიმართა და მოუწოდა, რომ ზიზღი გადალახონ და საქართველოს პრეზიდენტს ჯარის წინაშე „მოღალატე“ არ უწოდონ.

„მე მესმის, რომ „ქართულ ოცნებას“ შესაძლოა სალომე ზურაბიშვილი ეზიზღება, მაგრამ როდესაც ჯარის წინაშე მოღალატეს ქვეყნის მთავარსარდალს ეძახი, ჩემი აზრით, ზიზღი უნდა გადალახო და ასე არ უნდა მიმართო პრეზიდენტს, იმიტომ, რომ ის არის ჯარის მთავარსარდალი და თქვენ ამით შეურაცხყოფას სალომე ზურაბიშვილს კი არა, ჯარს და გენერალიტეტს აყენებთ. იმიტომ, რომ მათ თქვენ ეუბნებით, რომ მთავარსარდალი მოღალატე ჰყავთ, ცოტა ამაზე, რომ დავფიქრდეთ ყველანი, ცუდი არ იქნებოდა“, - აღნიშნა კორძაიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024