გიორგი ვაშაძე გიორგი მსხილაძეს - ცდილობს თუ არა „ქართული ოცნება“, რომ ქვეყანაში რუსული ტიპის ავტორიტარიზმი დაამკვიდროს?

თქვენი აზრით, "უცხოური გავლენის გამჭვირვალობის შესახებ" კანონის შემოტანით, ცდილობს თუ არა „ქართული ოცნება“, რომ ქვეყანაში რუსული ტიპის ავტორიტარიზმი დაამკვიდროს? - ამ შეკითხვით მიმართა „სტრატეგია აღმაშენებლის“ლიდერმა გიორგი ვაშაძემ პრეზიდენტის საპარლამენტო მდივანს, გიორგი მსხილაძეს იურიდიულ საკითხთა კომიტეტის ხდომაზე.

როგორც დეპუტატმა აღნიშნა, დემოკრატიულ სამყაროში ინსტიტუცია არ დარჩა, რომელმაც აღნიშნულ კანონთან დაკავშირებით კონკრეტული პოზიცია არ დააფიქსირა. ვაშაძის თქმით, ცივილიზებულ სამყაროს კარგად აქვს ამოხსნილი კანონთან დაკავშირებით სცენარი, რომელიც პირველად რუსეთში განხორციელდა.

ამასთან, ვაშაძის თქმით, “სტრატეგია აღმაშენებელი“ პრეზიდენტის ვეტოს მხარს უჭერს.

„მაინტერესებს, ეთანხმებით თუ არა იმას, რომ ეს არის, ვითომდა გამჭვირვალობის საფარქვეშ შექმნილი მექანიზმები, რითაც უნდათ, რომ ფუნდამენტი ააშენონ, ფაქტობრივად, ავტორიტარული მმართველობისთვის. სასაუბროდ, როგორ შეიძლება გამჭვირვალობის წინააღმდეგი იყოს ვინმე. არადა, ეს კანონი ითვალისწინებს ისეთ ზომებს, რომ იუსტიციის სამინისტრო სამოქალაქო სექტორის, ფაქტობრივად, მაკონტროლებლის თვალსაზრისით გამოდის, ისეთ ზომებს ითვალისწინებს, რომელიც სამოქალაქო სექტორს ანადგურებს, შემდგომ ანადგურებს დამოუკიდებელ მედიასაშუალებებს და ამის შემდეგ, რა თქმა უნდა, პოლიტიკური ოპონენტების განადგურებაც მოხდება. თქვენთანაც საუბარი იყო, რომ ეს კანონი არის რუსული, რატომ არის რუსულთან გაიგივებული და ეთანხმებით, თუ არა იმას, რომ ზუსტად ასეთივე სცენარით 2012 წელს, ვლადიმერ პუტინმა იგივე დასაბუთებით, რომ თითქოსდა გამჭვირვალობის გამო აუცილებელი იყო ამ კანონის მიღება, მიიღო ეს კანონი. ამის შემდგომ მთელი ცივილიზებული სამყარო ხედავს, რომ რუსეთის ფედერაციაში განადგურებულია სამოქალაქო სექტორი, რომელიც მანამდე არსებობდა, აღარ არსებობს დამოუკიდებელი მედია, რომელიც მანამდე არსებობდა და ბოლოს, გაანადგურეს ოპოზიციური პოლიტიკური პარტიები და ვინც არ დაემორჩილა ფიზიკურად მოკლეს, ზოგი ქალაქის ცენტრში, ზოგი საპატიმრო დაწესებულებაში და ა.შ. როდესაც თქვენ ამბობთ, რომ ეს კანონი არის რუსული, ხომ არ გულისხმობთ, რომ სწორედ ამ სცენარიდან გამომდინარე და სამწუხაროდ, ეს ყველაფერი თუ ბლომდე გაუვიდა ივანიშვილს და „ქართულ ოცნებას“, შეიძლება იგივე სცენარი იყოს?

ხომ არ ფიქრობთ, სწორედ ამიტომ არის, რომ „წითელ ხაზად“ მიიჩნევს ამ კანონს მთელი ცივილიზებული სამყარო, ევროკავშირი, ვენეციის კომისია. ვენეციის კომისიამაც იგივე თქვა, რომ ეს კანონი არ უნდა იქნას მიღებული და გაუქმდეს“, - განაცხადა ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024