ლატვიის საგარეო საქმეთა მინისტრი - საქართველოს პროევროპული გზა, პროევროპული მომავალი სერიოზული გამოწვევის წინაშეა

ბალტიის ქვეყნებმა, რომლის საგარეო საქმეთა მინისტრები საქართველოში ვიმყოფებოდით და ვესაუბრეთ როგორც ოპოზიციას ასევე პოზიციას, ძლიერი მესიჯი გავაგზავნეთ, რომ მხარს ვუჭერთ ქართველი ხალხის პროევროპულ არჩევანს, - ამის შესახებ ლატვიის საგარეო საქმეთა მინისტრმა, ბაიბა ბრაჟემ ბრიუსელში, ევროკავშირის საგარეო საქმეთა საბჭოს დაწყებამდე ჟურნალისტებს განუცხადა.

მისი თქმით, საქართველოს ხელისუფლებას „უცხოური გავლენის გამჭვირვალობის შესახებ“ კანონის გაუქმებისკენ მოუწოდეს.

„ჩვენ მოვუწოდეთ, რომ გააქმონ კანონი უცხოური დაფინანსების გამჭვირვალობის შესახებ. პრეზიდენტმა მას ვეტო დაადო და ახლა სუვერენული ქვეყნის, საქართველოს პარლამენტისა და მთავრობის არჩევანია, როგორ იმოქმედებენ. მაგრამ მინდა გავიმეორო, რომ ახლა საქართველოს პროევროპული გზა, პროევროპული მომავალი სერიოზული გამოწვევის წინაშეა“, - აღნიშნა ბრაიბა ბრაჟემ.

ცნობისთვის, ბრიუსელში, ევროკავშირის საგარეო საქმეთა საბჭო იმართება, რომელსაც საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი უხელმძღვანელებს და რომელზედაც სხვა საკითხებთან ერთად საქართველოს საკითხსაც განიხილავენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი