გრიგორი კარასინი აფხაზეთისა და ცხინვალის შესახებ ირაკლი კობახიძის განცხადებაზე - საქართველოს პრემიერისთვის მთავარია, კანონით განსაზღვრული იყვნენ ის ადამიანები, რომლებსაც უცხო სახელმწიფოები არჩენენ - დანარჩენი ეშმაკისეული მსჯელობაა

საქართველოს პრემიერ-მინისტრის, ირაკლი კობახიძის განცხადება აფხაზეთისა და სამხრეთ ოსეთის საქართველოს შემადგენლობაში დაბრუნებასა და 2030 წელს ევროკავშირში გაწევრიანების გეგმების შესახებ მხოლოდ მსჯელობაა, მისთვის ახლა მთავარია მიაღწიოს უცხოური აგენტების შესახებ კანონის მიღებას, - ამის შესახებ რუსეთის ფედერაციის საბჭოს საერთაშორისო საქმეთა კომიტეტის ხელმძღვანელმა, გრიგორი კარასინმა რუსულ მედიასთან საუბარში განაცხადა.

„ვერავინ აუკრძალავთ მსჯელობას იმასთან დაკავშირებით, თუ როგორ იცხოვრებს საქართველო 2030 წელს. მათ სურთ აფხაზეთთან და სამხრეთ ოსეთთან ერთ სახელმწიფოში ცხოვრება, ან შესაძლოა სხვა სახელმწიფოებთან - ეს მხოლოდ მსჯელობაა. ახლა საქართველოს პრემიერისთვის მთავარია, კანონით განსაზღვრული იყვნენ ის ადამიანები, რომლებსაც არჩენენ უცხო სახელმწიფოები და ჩართულები არიან პოლიტიკურ და საინფორმაციო საქმიანობაში. ჩვენ აქედან უნდა ამოვიდეთ, დანარჩენი ეშმაკისეული მსჯელობაა“, - აღნიშნა კარასინმა.

მისი თქმით, პოლიტიკოსებს აქვთ მსჯელობის უფლება და პრემიერ კობახიძესაც აქვს ასეთი უფლება.

„ამ საკმაოდ რთულ ვითარებაში გამოვყოფ იმ ფაქტს, რომ ის ბრძოლაშია სალომე ზურაბიშვილთან, რომელიც აშკარად, გასაგები მიზეზების გამო, იკავებს დასავლური უმცირესობის და, უფრო კონკრეტულად, ევროკავშირის და სხვა დასავლური ქვეყნების პოზიციას, რათა დაამარცხონ საქართველოს დღევანდელი ხელისუფლება“, - განაცხადა კარასინმა.

შეგახსენებთ, საქართველოს პრემიერ-მინისტრმა, ირაკლი კობახიძემ საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა, რომ „აღთქმული მიწა“, ანუ ქართული ოცნებაა, „საქართველოს დამოუკიდებლობის აღდგენიდან 40 წლის თავზე - 2030 წელს ვიცხოვროთ ერთიან და ძლიერ საქართველოში ჩვენს აფხაზ და ოს ძმებთან და დებთან ერთად, ერთიანი და ძლიერი საქართველო უნდა გახდეს 2030 წელს ევროპული ოჯახის სრულუფლებიანი წევრი".

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024