აფხაზეთის ავტონომიური რესპუბლიკის მთავრობის წარმომადგენლები ფრანკფურტის ხელოსანთა პალატის პრეზიდენტს შეხვდნენ

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია გერმანიაში სამუშაო ვიზიტის ფარგლებში, ფრანკფურტის ხელოსანთა პალატის პრეზიდენტ კრისტოფ რისს შეხვდა. ინფორმაციას აფხაზეთის ავტონომიური რესპუბლიკის მთავრობა ავრცელებს.

მათივე ინფორმაციით, შეხვედრის მონაწილეებმა ისაუბრეს საქართველოსა და გერმანიას შორის მჭიდრო მეგობრულ ურთიერთობებსა და პრიორიტეტულ მიმართულებებზე, განიხილეს ურთიერთთანამშრომლობის შესაძლებლობები, მათ შორის დასახეს ზუგდიდის მუნიციპალიტეტში, საოკუპაციო ხაზის მიმდებარე ტერიტორიაზე აფხაზეთის მოსახლეობისთვის პროფესიული საგანმანათლებლო დაწესებულების გახსნის საკითხი.

შეხვედრას, ასევე, ესწრებოდნენ სსიპ - „აფხაზეთიდან იძულებით გადაადგილებულ პირთა – დევნილთა მომსახურების სააგენტოს“ დირექტორი სალომე დოლიძე და აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტი გოგიტა თედორაძე.

„მოხარული ვარ, რომ ფრანკფურტის ხელოსანთა პალატის პრეზიდენტმა კრისტოფ რისმა გამოხატა მზადყოფნა აფხაზეთიდან დევნილი მოსახლეობის გაძლიერებისა და მხარდაჭერის მიზნით თანამშრომლობაზე.

მადლობას ვუხდი ფრანკფურტის ხელოსანთა პალატის პრეზიდენტს ჩვენი თანადგომისა და აფხაზეთიდან დევნილი მოსახლეობის პროფესიული განვითარების მიმართულებით მხარდაჭერისთვის“, - განაცხადა დავით ფაცაციამ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად