ნიკა ტყემალაძე - ყველა მუნიციპალიტეტში ვეცნობით სტიქიის შედეგებს, მიმდინარეობს აქტიური მუშაობა და შესაბამისი ნაბიჯები იქნება გადადგმული

საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსი, ადგილობრივი ხელისუფლების წარმომადგენლებთან ერთად რეგიონებში სტიქიის შედეგებს გაეცნო.

საქართველოს მთავრობის ადმინისტრაციის რეგიონებთან ურთიერთობის დეპარტამენტის პრესსამსახურის ინფორმაციით, ნიკა ტყემალაძე ადგილობრივ მოსახლეობასაც შეხვდა და მათგან პირადად მოისმინა მიყენებული ზიანის შესახებ ინფორმაცია.

რეგიონებთან ურთიერთობის დეპარტამენტის უფროსმა მუნიციპალიტეტებში დაზიანებული ინფრასტრუქტურა დაათვალიერა, ნიკა ტყემალაძის განცხადებით, ცენტრალური ხელისუფლება მჭიდრო კომუნიკაციაშია ადგილობრივ ხელისუფლებასთან, მუნიციპალური სამსახურები და შესაბამისი უწყებები მუდმივ რეჟიმში ახორციელებენ მოქალაქეებთან შეხვედრებს, ადგილზე მობილიზებულია სპეცტექნიკა და მიმდინარეობს შესაბამისი სამუშაოები.

"25-26 მაისს მოსული ძლიერი წვიმის შედეგად, რამდენიმე მუნიციპალიტეტი დაზარალდა. ჩვენ ყველა მუნიციპალიტეტში ადგილზე ვეცნობით სტიქიის შედეგებს. ამ მომენტში ვიმყოფებით თიანეთის მუნიციპალიტეტში. სტიქიასთან ბრძოლის პროცესში აქტიურადაა ჩართული ყველა შესაბამისი სამსახური. მოსახლეობა გაყვანილ იქნა უსაფრთხო ადგილებზე. რაც ყველაზე მნიშვნელოვანია, მსხვერპლი არ არის. დანარჩენ სხვა საკითხებთან მიმართებით, მიმდინარეობს დეტალურად შესწავლა და შესაბამისი ნაბიჯები იქნება გადადგმული", - განაცხადა ნიკა ტყემალაძემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?