სლოვენიის მთავრობა 30 მაისს პალესტინის სახელმწიფოს აღიარების საკითხს განიხილავს, - ამის შესახებ სლოვენიის პრემიერ-მინისტრმა, რობერტ გოლობმა ალჟირში ვიზიტისას განაცხადა.

„ბოლო რამდენიმე დღის განმავლობაში ჩატარებული კონსულტაციების შემდეგ, მე გადავწყვიტე ხუთშაბათს, პალესტინის აღიარების საკითხის ეროვნული ასამბლეისთვის გადაცემის შესახებ მთავრობის სხდომაზე გადაწყვეტილება გამოვიტანო“, - განაცხადა რობერტ გოლობმა.

ასევე, გუშინ ბრიუსელში, სლოვენიის საგარეო საქმეთა მინისტრმა, ტანია ფიონმა აღნიშნა, რომ ის მთავრობას რეკომენდაციას გაუწევს პალესტინის სახელმწიფოს აღიარების პროცედურები მიმდინარე კვირაში დაასრულოს და გადაწყვეტილება სლოვენიის პარლამენტს გადაუგზავნოს.

შეგახსენებთ, გასულ ოთხშაბათს, ესპანეთმა, ირლანდიამ და ნორვეგიამ პალესტინის სახელმწიფოს აღიარების შესახებ გამოაცხადეს. მათი გადაწყვეტილება ოფიციალურად ძალაში დღეს შევა.