დავით ხაჯიშვილმა პლენარულ სხდომაზე ბიძინა ივანიშვილს „ბიძინა იანუკოვიჩი“ უწოდა

„ნაციონალური მოძრაობის“ დეპუტატმა დავით ხაჯიშვილმა პარლამენტის პლენარულ სხდომაზე ბიძინა ივანიშვილს „ბიძინა იანუკოვიჩი“ უწოდა, საპასუხოდ კი პარლამენტის თავმჯდომარე შალვა პაპუაშვილმა თქვა, რომ „ქართველი იანუკოვიჩი“ მიხეილ სააკაშვილია და ის დღეს ციხეში ზის.

როგორც დავით ხაჯიშვილმა პარლამენტის პლენარულ სხდომაზე სიტყვით გამოსვლისას განაცხადა, „ქართველი იანუკოვიჩის“ მიზანია, რომ ქვეყანა ქართველი გარეშე დარჩეს და ის თავისთვის გადაიფორმოს.

„ამ კანონის შემოღებით თქვენ აღარიბებთ ჩვენს ქვეყანას. ჩვენს თანამოქალაქეებს. უფრო მეტ ჩვენს თანამოქალაქეს მოუწევს ქვეყნის დატოვება, რათა უბრალოდ თავი ირჩინოს. ალბათ ვითომ ბრძენი ადამიანის, ქართველი იანუკოვიჩის მიზანი ესაა, რომ ქვეყანა დარჩეს ქართველი გარეშე და ქვეყანა თავისთვის გადაიფორმოს, მაგრამ ასე არ მოხდება. ეს ახალგაზრდები, ფანტასტიკური ადამიანები გამოვლენ და გეტყვიან, არა „რუსულ კანონს“, არა რუსულ რეჟიმს. აუცილებლად მიიღებთ პასუხს ამ ადამიანების მხრიდან.

კიდევ ერთხელ მოგმართავთ, უარი თქვით „რუსულ კანონზე“. რა ზღაპრებიც არ უნდა მოგიყვეთ ქართველმა იანუკოვიჩმა, „ბიძინა იანუკოვიჩმა“ თქვენ, რა დიადი იდეებიც არ უნდა ჰქონდეს, ამას არასდროს სისრულეში არ მოიყვანს, ვერ მოიყვანს. არც და ვერც აფხაზეთს დაუბრუნებს ბიძინა იანუკოვიჩი საქართველოს. მის პირობებში ეს ასე არ მოხდება, რადგან ის არის კოლაბორანტი და აქედან გამომდინარე, ნუ გაჯერებთ ამ ტყუილებს, ამ ზღაპრებს. როგორც გადააგდო ქართველი ხალხი არაერთხელ „ბიძინა იანუკოვიჩმა“, ისე გადაგაგდებთ თქვენც. აქედან გამომდინარე, კიდევ ერთხელ მოგმართავთ: არ მიიღოთ „რუსული კანონი“!“,- განაცხადა დავით ხაჯიშვილმა.

საპასუხოდ, პარლამენტის თავმჯდომარე შალვა პაპუაშვილმა მას შეახსენა, რომ „ნაციონალურმა მოძრაობამ“ ვიქტორ იანუკოვიჩი პრეზიდენტობის დროს უმაღლესი ქართული ჯილდოთი დააჯილდოვა.

„საინტერესოდ ახსენეთ იანუკოვიჩი, თქვენმა პარტიამ და თქვენმა ლიდერმა, უმაღლესი ქართული ჯილდოთი დააჯილდოვა, როდესაც პრეზიდენტი იყო. რაც შეეხება ქართველ იანუკოვიჩს, ის დღეს ციხეში ზის და მას მიხეილ სააკაშვილი ჰქვია“,- განაცხადა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024