რატი იონათამიშვილი - პრეზიდენტის საპარლამენტო მდივანი იურიდიულ საკითხთა კომიტეტზე მთლიანად რადიკალურ ოპოზიციას განასახიერებდა

გუშინ პრეზიდენტის საპარლამენტო მდივანი იურიდიულ საკითხთა კომიტეტზე მთლიანად რადიკალურ ოპოზიციას განასახიერებდა, რომელიც დაშლილი არის შინაარსისგან, არგუმენტებისგან და მხოლოდ დეზინფორმაციით და მავნებლური კამპანიებით იბრძვის საქართველოს წინააღმდეგ, - ამის შესახებ „ქართული ოცნების“დეპუტატმა, რატი იონათამიშვილმა პარლამენტის პლენარულ სხდომაზე განაცხადა.

მისი შეფასებით, სიცრუე უკვე სამარკო ნიშანი გახდა „ნაციონალური მოძრაობისა“ და რადიკალური ოპოზიციისთვის. იონათამიშვილის განმარტებით, ეს „უცხოური გავლენის გამჭვირვალობის შესახებ“კანონპროექტის განხილვის დროს გამოჩნდა.

„ჩვენ არაერთი თავდასხმა და დეზინფორმაცია, ფაქტობრივი ტყუილი მოვისმინეთ. არგუმენტებს 2 თვის განმავლობაში ვეძებდით. 2 თვის შემდეგ, როგორც იქნა ერთადერთი არგუმენტი მოვისმინეთ ადამიანებისგან და ეს არგუმენტი არის- "იმიტომ". ამის იქით მათი ვერც ფანტაზია, ვერც ცოდნა ვერ წავიდა, რომ სხვა რამ ეთქვათ. სინამდვილეში, გუშინ პრეზიდენტის საპარლამენტო მდივანი იურიდიულ საკითხთა კომიტეტზე მთლიანად რადიკალურ ოპოზიციას განასახიერებდა, რომელიც დაშლილი არის შინაარსისგან, არგუმენტებისგან და მხოლოდ დეზინფორმაციით და მავნებლური კამპანიებით იბრძვის საქართველოს წინააღმდეგ. აქაც ძალიან სერიოზულ მარცხს განიცდით. ისტორია ყველაფერს აჩვენებს. კონკრეტული გადაწყვეტილებები არის ყველაზე კარგი არგუმენტები. ჩვენი გუნდი „ქართული ოცნება“ ისტორიაში შევა, როგორც ყველა მნიშვნელოვანი გადაწყვეტილების ხელმომწერი საქართველოს ევროინტეგრაციის გზაზე, მათ შორის ასოცირების შეთანხმების, ვიზალიბერალიზაციის, თავისუფალი ვაჭრობის, კანდიდატის სტატუსის და ა.შ. რითაც შევა „ნაციონალური მოძრაობა“, თუნდაც ისტორიაში, ეს არის სტრასბურგის სასამართლოს 100 ვერდიქტი, სადაც გასამართლებულია მიხეილ სააკაშვილი და „ნაციონალური მოძრაობა“, - განაცხადა იონათამიშვილმა.

მან „ნაციონალური მოძრაობის“ წევრებს მიმართა, რომ ტყუილების გამო, ქართული საზოგადოება ოქტომბერში დაგეგმილ არჩევნებზე სათანადო და მკაცრ პასუხს გასცემს.

„სტრასბურგის სასამართლომ ცალსახად თქვა, რომ სააკაშვილი არის სისხლის სამართლის დამნაშავე, „ნაციონალური მოძრაობა“ არის კრიმინალური სინდიკატი, რომელიც კრიმინალური მეთოდებით მართავდა საქართველოს და რომელიც ქმნიდა დანაშაულებრივ სისტემას. ამ საქმემ საბოლოდ წერტილი დაუსვა მავნებლურ და დეზინფორმაციულ კამპანიას საქართველოს წინააღმდეგ, რომელშიც მილიარდობით დოლარს იხდიდნენ კოლექტიური „ნაცმოძრაობის“ ხელმძღვანელი პირები კეზერაშვილი, სააკაშვილის ოჯახი. ჩვენ ვიცით ამერიკული "ფარას" რეესტრიდან, რომ ეს ადამიანები მილიონობით დოლარს იხდიდნენ დაკვეთილ სტატიებში, დაკვეთილ გადაცემებში, ასევე ფულს იხდიდნენ იმაში, რომ სააკაშვილის ე.წ. იურისტებს მოემზადებინათ ევროპარლამენტის რეზოლუციების პროექტები“, - განაცხადა იონათამიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024