შალვა პაპუაშვილი ოპოზიციას - უცხო ქვეყნის გავლენის მხარეს რომ დგებით და არა ქართველი ხალხის გავლენის მხარეს, ეს არის ზვიად გამსახურდიას იდეალები? - დამოუკიდებლობის 30 წლის შემდეგ, იყურებით გარეთ, რა მითითება მოგივათ

უცხო ქვეყნის გავლენის მხარეს რომ დგებით და არა ქართველი ხალხის გავლენის მხარეს, ეს არის ზვიად გამსახურდიას იდეალები?! - დღეს ღილაკებს რომ მიაჭერთ ხელს, დააფიქსირებთ, რომ მოქმედებთ არა საქართველოს, არამედ უცხო ქვეყნების ინტერესით, ვინც არ უნდა იყოს ეს ქვეყანა! უცხო ქვეყანა ყოველთვის არის უცხო ქვეყანა! - ეს განცხადება პარლამენტის პლენარულ სხდომაზე პარლამენტის თავმჯდომარემ შალვა პაპუაშვილმა გააკეთა.

პაპუაშვილმა პერსონალურად დეპუტატებს ეკა ხერხეულიძეს, ნატო ჩხეიძეს და როსტომ ჩხეიძეს მიმართა, რომ მათი მხრიდან ზვიად გამსახურდიას სახელის ხსენება ფარისევლობაა და ის იდეალები, რაც გამსახურდიას ჰქონდა, გააზრებული არა აქვთ.

„აქ სიტყვა „ღალატი“ ბევრჯერ ითქვა. სიტყვით ეკა ხერხეულიძე, ნატო ჩხეიძე, როსტომ ჩხეიძე გამოვიდნენ. ნატო და როსტომ ჩხეიძეები ამ დარბაზში ზვიად გამსახურდიას პორტრეტის დაკიდებასაც ითხოვდნენ. თქვენი აზრით, ეს არის ზვიად გამსახურდიას იდეალები, რასაც თქვენ აკეთებთ? უცხო ქვეყნის პრესსპიკერების განცხადებებზე რომ ხართ აწყობილი, რა კანონი მივიღოთ და რა კანონი არ მივიღოთ...

რაზეა დღეს საკითხი - არის კანონი უცხო ქვეყნის გავლენებზე. უცხო ქვეყნის გავლენის მხარეს რომ დგებით და არა ქართველი ხალხის გავლენის მხარეს, ეს არის ზვიად გამსახურდიას იდეალები? თქვენი იდეალია, რომ აქ ფული ისე შემოდიოდეს, რომ კაცი-შვილი ამ ქვეყნის მოქალაქეებს ანგარიშს არ აბარებდეს, პოლიტიკაში ფულს ჩუმად ხარჯავდეს - ეს არის ზვიად გამსახურდიას იდეალები? აი აქ დგახართ თქვენ!

მთელი თქვენი პოლიტიკა აწყობილი გაქვთ რა განცხადებას გააკეთებს ვიღაცის პრესსპიკერი, ვიღაც პარლამენტარი საზღვარგარეთ. საქართველოს დამოუკიდებლობის 30 წლის შემდეგ აქ მიხვედით - მიხვედით აქ, რომ იყურებით გარეთ, რა მითითება და ტონი მოგივათ გარედან და ამ ტონით აგრძელებთ საუბარს.

ეს არის სირცხვილი - ამას კადრებთ პარლამენტის დარბაზს, რომ არა ქართველი ხალხის, არამედ უცხო ქვეყნების ინტერესებით მოქმედებთ. ღალატი თუ რამეა, ეს არის ღია ღალატი!

დღეს ღილაკებს რომ მიაჭერთ ხელს, დააფიქსირებთ, რომ მოქმედებთ არა საქართველოს, არამედ უცხო ქვეყნების ინტერესით, ვინც არ უნდა იყოს ეს ქვეყანა! უცხო ქვეყანა ყოველთვის არის უცხო ქვეყანა - თქვენ არა ქართველი ხალხის, არამედ უცხო ქვეყნის ინტერესებით მოქმედებთ.

პორტრეტი იმიტომ იყო ფარისევლობა, რომ ზვიად გამსახურდია სინამდვილეში სიტყვად და გამოსვლის დროს სახსენებლად გინდათ, თორემ საერთოდ არა გაქვთ გააზრებული ის იდეალები, რაც მას ჰქონდა და რაც ჩვენი ქვეყნის დამოუკიდებლობის ფუნდამენტში ჩაიდო - ჩვენი ქვეყნის სუვერენიტეტი!“, - განაცხადა პაპუაშვილმა პარლამენტის სხდომაზე.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი