თაკო ჩარკვიანი უმრავლესობას - არ გეტყვით, რომ არ მოაწეროთ ხელი სამშობლოს გაყიდვას! მოაწერეთ და გვეცოდინება, ვინ ჯანდაბა ხართ ამ ქვეყანაში 84 კაცი - საქართველოს ისტორიას მსგავსი მოღალატეობრივი პარლამენტი არ ახსოვს!

ბატონებო, არაფრით არ გეტყვით, რომ არ მოაწეროთ ხელი სამშობლოს გაყიდვას! მოაწერეთ და გვეცოდინება, ვინ ჯანდაბა ხართ ამ ქვეყანაში 84 კაცი - საქართველოს ისტორიას მსგავსი მოღალატეობრივი პარლამენტი არ ახსოვს! - ასე მიმართა საპარლამენტო უმრავლესობის წევრებს ოპოზიციონერმა დეპუტატმა თამარ ჩარკვიანმა.

ჩარკვიანმა “უცხოური გავლენის გამჭვირვალობის შესახებ“ კანონპროექტს “საქართველოს გამანადგურებელი კანონი“ უწოდა.

“ევროპელი მეგობრები - ჩვენი პარტნიორები გვეუბნებიან, რომ ამ კანონით ევროპის ოჯახის წევრი ვერ გავხდებით. რა დარჩა? - ტოვებთ ქვეყანას რუსეთის პირისპირ და ეს ყველაფერი ძალიან კარგად იცით!

დღეს საქართველოს არჩევანი არის ნათელი - საქართველო თუ ჯოჯოხეთი, ტერორისტი სახელმწიფო რუსეთი. აქ არაფერ შუაში გიგაური და პერსონები არ არის - სისულელეებს ნუ ლაპარაკობთ!

რატომ გაგიკვირდათ, რომ გარეთ 200 000 კაცი გამოვიდა? - მე ამ დღეებში უფრო მეტს ველოდები, რადგან ორჯერ ჩატარებული რეფერენდუმი 80%-ია. დღეს ქუჩაში ღია რეფერენდუმი ტარდება - საქართველო ქვეყნის გადასარჩენად გამოვიდა.

1978 წელს, როდესაც ენას გვართმევდნენ, კომუნისტური სივრცის ცეკას მდივანი შევარდნაძე გამოვიდა და დეპუტაცია ხალხს შეურია: - გარეთ ჩვენი შვილები გველოდებიანო. მაშინ საქართველო ერთი მთლიანი იყო და ეს 1978 წელს კომპარტიიდან წამოსულმა კაცმა გააკეთა.

საქართველოში ყველა პრეზიდენტს მიზანი ჰქონდა - იქნებოდა ეს ეროვნული სივრციდან წამოსული თუ კომუნისტური პარტიიდან წამოსული პრეზიდენტი. უფრო ლოიალური თუ იყო შევარდნაძე, რუსეთმა აფხაზეთი მის დროს წაგვართვა, მაგრამ ის კაცი არ იყო დამნაშავე. იმ კაცმა რომ მოინდომა და საქართველოს ნავთობსადენი გაუკეთა, დილის 06:00 საათზე ააფეთქეს.

რუსეთისთვის მნიშვნელობა არასდროს არ ჰქონდა კომპარტიიდან იყავი, თუ ეროვნული მოძრაობიდან - მთავარი იყო საქართველოსთვის ეროვნული საქმე არ გაგეკეთებინა“, - განაცხადა ჩარკვიანმა “ქართული ოცნების“ წევრების მისამართით.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024