გიორგი ვაშაძე უმრავლესობას - ყოჩაღ, მადლობა, ბრავო! ეს არის ველურობამდე მისული მოღალატეების გზა - იმ მოღალატეთა სიაში იქნებით, რომელთაც ისტორიის სახელმძღვანელოებით გვასწავლიან

ყოჩაღ, მადლობა, ბრავო! აი, ეგ ხართ. აი, ეს არის ველურობამდე მისული მოღალატეების გზა. აი, ეს არის სწორედ ის ღალატის გზა, რომელსაც თქვენ ყველანი ადგახართ, - ამის შესახებ "სტრატეგია აღმაშენებლის" თავმჯდომარე, გიორგი ვაშაძემ პარლამენტის პლენარულ სხდომაზე მას შემდეგ განაცხადა, როდესაც მას სიტყვით გამოსვლისას "ქართული ოცნების“ დეპუტატმა, ირმა ზავრადაშვილმა წყალი შეასხა.

გიორგი ვაშაძის შეფასებით, ეს არის უღირსობის პირველი მაგალითი და „ქართულ ოცნებას“ განაჩენს ქართველი ხალხი 26 ოქტომბრის არჩევნებზე გამოუტანს.

„მერწმუნეთ, ეს წყალი მე და არც ქართველ ხალხს არაფერს უზამს. ეს თქვენს მიერ არჩეული ღალატის გზაა. იმიტომ, რომ ერთიან და ძლიერ საქართველოს ვერასდროს დააჩოქებს ვერცერთი ბოროტი ადამიანი, რაც არ უნდა მდიდარი იყოს. მერწმუნეთ, რომ ქართველი ხალხი გაიმარჯვებს იმიტომ, რომ ეროვნული ერთობა, რომელიც დღეს არის, თქვენ ამას ვერცერთ შემთხვევაში ვერ წააქცევთ. დღეს მთელი ცივილიზებული სამყარო უყურებს ქართველ ახალგაზრდებს და სწორედ მათ მაგალითებს უყვებიან საკუთარ ქვეყანაში ახალგაზრდებს. არა უშავს, დაწყნარდით, აი, ეს არის უღირსობის პირველი მაგალითი. თქვენ გგონიათ ხალხო, რომ ეს გაგივათ. ძალიან ხშირად საუბრობთ ხოლმე უსამშობლოებზე. თქვენ ხართ უსამშობლოების გაერთიანება, რომლებიც ღალატის გზას ადგახართ. თქვენ 26 ოქტომბერს ქართველი ხალხი საბოლოო განაჩენს გამოგიტანთ. საქართველოს ისტორიაში ქართველი ახალგაზრდების სახელი ოქროს ასოებით ჩაიწერება, ხოლო თქვენი სახელი შავი ასოებით ჩაიწერება. იმ მოღალატეთა სიაში იქნებით, რომელსაც ხშირად ჩვენი ისტორიის სახელმძღვანელოებით გვასწავლიან, რომ მათ არ უნდა დაემსგავსოთ“,-მიმართა ვაშაძემ უმრავლესობას. მისი სიტყვით გამოსვლა ხმაურის ფონზე მიმდინარეობდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024