“უცხოური გავლენის გამჭვირვალობის შესახებ” კანონის საწინააღმდეგო აქცია ზუგდიდშიც მიმდინარეობს

ზუგდიდში, “უცხოური გავლენის გამჭვირვალობის შესახებ” კანონის საწინააღმდეგო აქცია მიმდინარეობს.

არასამთავრობო ორგანიზაციის წარმომადგენლები, აქტივისტები და საზოგადოების სხვა წევრები „ქართული ოცნების“ ოფისთან არიან შეკრებილი და აღნიშნულ კანონს აპროტესტებენ.

იქამდე, აქციის მონაწილეები საყვირებითა და საპროტესტო ტრანსპარანტებით მერიის შესასვლელ კარებთან იდგნენ, ამ ფორმით ხვდებოდნენ იმ საჯარო მოხელეებს, რომლებიც სამსახურიდან გამოვიდნენ.

მოგვიანებით კი, ქალაქის ცენტრალურ ქუჩებში ფეხით მსვლელობა მოაწყვეს. მათ ხელში ეჭირათ ბანერი „კი ევროპას, არა რუსულ კანონს“, ასევე, ევროკავშირისა და საქართველოს დროშები. ისინი სკანდირებდნენ „არა რუსულ კანონს“.

„ამ ქუჩებში არაერთხელ გაუვლია რუსულ ტანკებს და ჩვენი მოძრაობის მიზანია, რომ მომავალში არასოდეს გაიაროს. აქ უნდა იარონ ახალგაზრდებმა, პატარებმა, რომლებიც ამ ქვეყნის ნათელი მომავალი არიან. აქ უნდა იყოს განათლება, აქ უნდა იყოს კულტურა და არა რუსული ტანკი და რუსული რეჟიმი“,- აცხადებენ აქციის მონაწილეები.

აქციის ორგანიზატორებმა, მოქალაქეებს მოუწოდეს, რომ შეუერთდნენ. მათი თქმით, აუცილებელია გაერთიანება, რადგან რუსეთში ცხოვრება არ უნდა დაუშვან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024