შოთა შალელაშვილი  - რიგი მიზეზების გამო არ მგონია, რომ მთელი საქართველო და ოპოზიციური სპექტრი „ქართული ქარტიის“ ირგვლივ გაერთიანდება, დოკუმენტი დასამუშავებელია და ღირს ამაზე ფიქრი

რიგი მიზეზების გამო მე არ მგონია, რომ მთელი საქართველო და მთელი ოპოზიციური სპექტრი „ქართული ქარტიის“ ირგვლივ გაერთიანდება, დოკუმენტი დასამუშავებელია და ღირს ამაზე ფიქრი, - ამის შესახებ „თაობები საქართველოსთვის“ თავმჯდომარე შოთა შალელაშვილი აცხადებს.

შალელაშვილის თქმით, თავად სალომე ზურაბიშვილის ინიციატივას მიესალმება და „ქართულ ქარტიას“ ხელს აწერს.

„მე ქალბატონი პრეზიდენტის ქარტიას მივესალმები და ხელს ვაწერ ყველა პუნქტს. მზად ვარ ჩავერთოთ ამ პროცესში, მაგრამ არის სამი ძირითადი კითხვა, რომელიც დასამუშავებელია.

პირველ რიგში ის, რომ ამ პროცესს ხალხის ნდობა უნდა ჰქონდეს და ეს ნდობა უნდა მოვიპოვოთ. მეორე - ამ დოკუმენტს არ აქვს იურიდიული ძალა და პარტიები რომლებიც გადალახავენ ბარიერს და მოხვდებიან პარლამენტში დაემორჩილებიან თუ არა ამ ქარტიას. მესამე - ჩნდება კითხვა, რომ პატარა პარტიები რომლებიც ვერ გადალახავენ ბარიერს რით უნდა დაეხმარონ ქარტიას და რატომ უნდა იზრუნონ ქარტიის წინსვლაზე.

რიგი მიზეზების გამო მე არ მგონია, რომ მთელი საქართველო და მთელი ოპოზიციური სპექტრი ამის ირგვლივ გაერთიანდება. დოკუმენტი დასამუშავებელია და ღირს ამაზე ფიქრი.

მისასალმებელია ეს ერთიანობა და კიდევ ერთხელ ჩემი დიდი პატივისცემა ჩვენს პრეზიდენტს. იგი იბრძვის, ცდილობს, რომ ეს ყველაფერი შეკრას და ეს ხელისუფლება წავიდეს მშვიდობიანი არჩევნების გზით სახლში.

მე ვფიქრობ, რომ არ დაიკარგოს ოპოზიციური ხმები ამისთვის უნდა იყოს გაერთიანებები მაგრამ მე ერთი გაერთიანების წინააღმდეგი ვარ, რადგან ერთ გაერთიანებას რასაც თქვენ საერთო სიას ეძახით გამოიყენებს ხელისუფლება ძალიან ცუდად და თითქმის განწირული იქნება მარცხისთვის. მაგრამ 3-4 კლასტერი რომ შეიქმნას (2 უკვე არის ნაციონალური მოძრაობის და ოცნების სახით) კიდევ ორი ცენტრი თუ გაჩნდება ვფიქრობ, რომ არცერთი ხმა არ დაიკარგება. ამ ყველაფრის შემდეგ ქალბატონი პრეზიდენტის მიერ გაჟღერებული ქარტია განხორციელებადი გახდება“, - განაცხადა შოთა შალელაშვილმა, რომლის კომენტარსაც პრესსამსახური ავრცელებს.

მისივე თქმით, "ყველა პატარა პარტიას უნდა დაეთმოს ადგილი მესამე და მეოთხე კლასტერში, ამის მიღწევის შემდეგ გამარჯვება გარდაუვალი იქნება".

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024