შალვა პაპუაშვილი - რაც არის ქართველი ხალხის ინტერესებში, იმას აკეთებს ხელისუფლება და არა იმას, რაც არის სხვა ხალხის, სხვა ხელისუფლებების თუ სხვა ჯგუფების - სანქციები რუსულ სტილში საუბარი და ქართველი ხალხის დასჯა იქნება

რაც არის ქართველი ხალხის ინტერესებში, იმას აკეთებს საქართველოს ხელისუფლება და არა იმას, რაც არის სხვა ხალხის, სხვა ხელისუფლებების თუ სხვა ჯგუფების, - ამის შესახებ პარლამენტის თავმჯდომარე, შალვა პაპუაშვილმა „უცხოური გავლენის გამჭვირვალობის“ კანონზე საუბრისას განაცხადა.

მისი შეფასებით, სანქციები რუსულ სტილში საუბარი და ქართველი ხალხის დასჯა იქნება, რასაც რუსეთი აკეთებდა.

„თუკი რომელიმე სხვა ქვეყანას უნდა, რომ შეუერთდეს ამ რიგს და ქართველ ხალხს რუსულ სტილში ელაპარაკოს, მათი არჩევანია, რას გააკეთებენ, მაგრამ ქართველი ხალხის მიერ კანონების მიღება იმისთვის, რომ თავი დაიცვას უცხოური გავლენებისგან და მისთვის გამჭვირვალე იყოს ეს გავლენები, ამის გამო უცხოელი რომ ზომებს მიიღებს იმის გამო, რომ მისი დაფინანსება გამჭვირვალე არ იყოს, ეს აჩვენებს ამ გადაწყვეტილების შინაარს, რომ არაკეთილსინდისიერია, თუკი ასეთზე ვინმე ფიქრობს. ჩვენ ძალიან რთულ რეგიონში ვცხოვრობთ და ბევრი საფრთხე არის ჩვენს გარშემო. ამ საფრთხეებში ვცხოვრობთ ბოლო 30 წელია თუ არა საუკუნეები. ასე, რომ საფრთხეები ბევრია. ჩვენ ამოსავალი წერტილი უნდა გვქონდეს მხოლოდ ერთი რამ - რა არის ქართველი ხალხის ინტერესში. რაც არის ქართველი ხალხის ინტერესებში, იმას აკეთებს საქართველოს ხელისუფლება და არა იმას, რაც არის სხვა ხალხის, სხვა ხელისუფლებების თუ სხვა ჯგუფების. ამ ინტერესის განხორციელებისთვის ხან რუსეთი გვასანქცირებდა, ეს ასე ხდება. მთავარი არის ის, რომ ჩვენ ჩვენი ხალხის ინტერესს გავყვეთ და საბოლოდო, ეს ყოველთვის შედეგს გამოიღებს“, - განაცხადა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს