ITB China ტურისტულ გამოფენაზე საქართველოს ტურისტულ პოტენციალს 80-ზე მეტი ქვეყნიდან 1600-ზე მეტი ორგანიზაცია და კომპანია გაეცნო

საქართველოს ტურიზმის ეროვნულმა ადმინისტრაციამ ჩინეთში, შანხაიში, საერთაშორისო ტურისტულ გამოფენაში პირველად მიიღო მონაწილეობა. ინფორმაციას საქართველოს ტურიზმის ეროვნული ადმინისტრაცია ავრცელებს.

მათივე ცნობით, ITB China 2024-ზე ტურიზმის ეროვნულ ადმინისტრაციასთან ერთად აჭარის ტურიზმისა და კურორტების დეპარტამენტი, თბილისის მერია, სვანეთის, სამეგრელოსა და იმერეთის დანიშნულების ადგილის მართვის ორგანიზაციები იყო წარმოდგენილი. გამოფენას საქართველოდან 10-მდე კერძო კომპანია დაესწრო.

როგორც ტურიზმის ეროვნული ადმინისტრაციის ბრენდის განვითარების სამმართველოს უფროსი ანა კეკელია აღნიშნავს, უვიზო მიმოსვლა და პირდაპირი ავიარეისები მნიშვნელოვნად ზრდის საქართველოს მიმართ ინტერესებს ჩინელი ტურისტების მხრიდან.

„ტურიზმის ეროვნული ადმინისტრაცია მრავალი წელია მონაწილეობს ჩინეთში გამოფენა-ბაზრობებზე, თუმცა წელს პირველად, შანხაიში, წარმოდგენილები ვართ ITB China 2024-ზე, ვფიქრობთ წარმატებული გამოფენა იქნება, აღსანიშნავია, რომ უვიზო მიმოსვლა და პირდაპირი ავიარეისები მნიშვნელოვნად ზრდის საქართველოს მიმართ ინტერესებს ჩინელი ტურისტების მხრიდან. ვფიქრობ საქართველოს დიდი პოტენციალი აქვს ჩინეთიდან ბევრი ტურისტი მოვიზიდოთ“,-აცხადებს ანა კეკელია.

როგორც აჭარის ტურიზმის დეპარტამენტის თავმჯდომარემ თინათინ ზოიძემ აღნიშნა, წელს საქართველო პირველად მონაწილეობს ITB China 2024-ზე, რომელიც უმსხვილესი გამოფენაა.

„საქართველოსა და ჩინეთს შორის უკვე მოქმედებს უვიზო რეჟიმი, რაც ნიშნავს, რომ აქტიურად შეგვიძლია ვიმუშაოთ ჩინეთის ბაზარზე, როგორც ტურისტული და ეკონომიკური თვალსაზრისით. წელს საქართველო პირველად მონაწილეობს ITB China 2024-ზე, რომელიც უმსხვილესი გამოფენაა, სადაც მთელი მსოფლიოდან თავს იყრიან ტურისტული კომპანიები, ჩინეთში მოქმედი წამყვანი ტუროპერატორები. საქართველო ამ გამოფენაზე წარმოდგენილია ტურიზმის სექტორთან ერთად. ჩვენ აქტიურად ვხვდებით მედიის წარმომადგენლებს, ინფლუენსერებს, ასევე ტუროპერატორებს, რომლებიც მოამზადებენ პაკეტებს საქართველოს მოგზაურობისთვის, რაც ხელს შეუწყობს ჩვენს ქვეყანაში ვიზიტორების ზრდას“,- განაცხადა თინათინ ზოიძემ.

როგორც სამეგრელოს დანიშნულების ადგილის მართვის ორგანიზაციის წარმომადგენელმა თეა საჯაიამ განმარტა, სამეგრელოს დანიშნულების ადგილის მართვის ორგანიზაცია გამოფენაზე, სამეგრელოთი დაინტერესებულ სტუმრებს აცნობს რეგიონის ტურისტულ პროდუქტებს.

„მოხარული ვარ, რომ ინტერესი დიდია, რასაც ასევე განაპირობებს უვიზო რეჟიმი. დარწმუნებული ვარ დიდი ტურისტული ნაკადების შემოყვანას შევძლებთ“,-განაცხადა თეა საჯაიამ.

გავრცელებული ინფორმაციის თანახმად, გამოფენაზე, საქართველოს სტენდს ITB-ის აღმასრულებელი დირექტორი ჩინეთის უმსხვილეს ტურისტულ კომპანიებთან ერთად გაეცნო. მარიო ტობიასმა საქართველოს წარმატება უსურვა და განაცხადა, რომ ქვეყანას ტურისტების მოზიდვის დიდი პოტენციალი აქვს.

„მოხარულები ვართ, რომ საქართველო ITB China 2024-ზე პირველად მონაწილეობს. საქართველო ITB Berlin-ის ძლიერი პარტნიორია, საქართველო იყო ჩვენი გამოფენის მასპინძელი ქვეყანა. საქართველოს შეუძლია ბევრი შესთავაზოს სტუმრებს, ეს არის უძველესი ისტორია, ულამაზესი ხედები, კერძები, კულტურა. ვფიქრობ ეს გამოფენა წარმატებული იქნება საქართველოსთვის“,-აცხადებს ITB Berlin-ის ჯგუფის აღმასრულებელი დირექტორი მარიო ტობიასი.

მსოფლიო ტურიზმის ალიანსის თავმჯდომარის მოადგილემ ლიუ შიჯუნიმ განმარტა, რომ შესახებ. ბევრ ჩინელ ტურისტს სურს ეწვიოს საქართველოს.

„საქართველო ჩინეთის კარგი მეგობარია, არასდროს ვყოფილვარ თქვენს ქვეყანაში, მაგრამ ბევრი მსმენია, საქართველოს ისტორიის, ტრადიციების, ღვინისა და კერძების შესახებ. ბევრ ჩინელ ტურისტს სურს ეწვიოს საქართველოს, მეც ვაპირებ ჩამოვიდე საქართველოში“,-განაცხადა ლიუ შიჯუნიმ.

ტურიზმის ეროვნულმა ადმინისტრაციამ, შანხაის საერთაშორისო ტურისტული გამოფენის სტუმრებისთვის, ბრიტანული ელექტრონული მუსიკის პროექტის „Jungle“-ს კონცერტზე დასასწრებად ბილეთები გაათამაშა. კამპანია “სთარინგ ჯორჯიას” ფარგლებში, მსოფლიო ვარსკვლავების მონაწილეობით კონცერტები Black Sea Arena-ზე გაიმართება.

„ძალიან მოხარული ვარ რომ გავიმარჯვე და მოუთმენლად ველი საქართველოში გამგზავრებას და კონცერტზე დასწრებას“,- აცხადებს გამოფენის მონაწილე და გათამაშების გამარჯვებული რაია.

გამოფენის მონაწილემ და გათამაშების გამარჯვებულმა ჯულია შუმ კი განმარტა, რომ საქართველოში ჩამოსვლას და კონცერტზე დასწრებას აპირებს.

„ძალიან გამიხარდა, Jungle“-ს კონცერტზე დასასწრები ორი ბილეთი მოვიგე, საქართველოში ვაპირებ ჩამოსვლას და ადგილზე ამ კონცერტზე დასწრებას“,-განაცხადა გამოფენის ჯულია შუმ.

მათივე ცნობით, შანხაის სამ დღიან ტურისტულ გამოფენაზე 80-ზე მეტი ქვეყნიდან 1600-ზე მეტი ორგანიზაცია და კომპანია იყო წარმოდგენილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024