ირაკლი ზარქუა - კანონი მივიღეთ, სააკაშვილიც ციხეშია, ლგბტ პროპაგანდის წინააღმდეგ იმ საკონსტიტუციო ცვლილებასაც დავაინიცირებთ და ყველაფერი კარგად იქნება

კანონი მივიღეთ, სააკაშვილიც ციხეშია, ლგბტ პროპაგანდის წინააღმდეგ იმ საკონსტიტუციო ცვლილებასაც დავაინიცირებთ და ყველაფერი კარგად იქნება - ხოლო თქვენ, ვინც უსამშობლოები ხართ, ისევ იმ დაკვეთის და დაფინანსების მოლოდინში იქნებით, როგორ არიოთ ეს ქვეყანა და მოახდინოთ უკრაინიზაცია, - ამის შესახებ უმრავლესობის დეპუტატმა, ირაკლი ზარქუამ ჟურნალისტებთან განაცხადა, რითაც ოპოზიციის წარმომადგენლებს მიმართა.

ზარქუას თქმით, ის, ვინც გულწრფელად გულანთებულია, დღესაც გარეთ იდგებოდა, მაგრამ მათ „პაუზა გამოაცხადეს იმიტომ, რომ დაფინანსება შეწყდა და თქვეს, რომ ივნისის თვეში ისევ შევიკრიბოთო“.

„ჩვენ ვნახეთ ხელმოცარულების და უსამშობლოების ასეთი ბაქიბუქი, რომ „კანონს არ მიგაღებინებთ“, „თავზე გადაგახევთ“ - ამას ეუბნებოდნენ უმრავლესობის მიერ არჩეულ ლეგიტიმურ ხელისუფლებას და პარლამენტს. კანონი მივიღეთ, სააკაშვილიც ციხეშია, ლგბტ პროპაგანდის წინააღმდეგ იმ საკონსტიტუციო ცვლილებასაც დავაინიცირებთ და ყველაფერი კარგად იქნება. ხოლო თქვენ, ვინც უსამშობლოები ხართ, ისევ იმ დაკვეთის და დაფინანსების მოლოდინში იქნებით, როგორ არიოთ ეს ქვეყანა, მოახდინოთ უკრაინიზაცია. „მაიდანი“ გინდათ ხომ? მერე გინდათ რომ მეორე ფრონტი გახსნათ? - ამაზე უარი გითხრათ ქართველმა ხალხმა და არ დაგიდგათ გვერდით. ამიტომაც არის რომ ახლა პაუზა გამოაცხადეთ. ის ვინც გულწრფელად ანთებულია დღესაც გარეთ იდგებოდა. არა, პაუზა გამოაცხადეს იმიტომ, რომ დაფინანსება შეწყდა. თქვეს, რომ ივნისის თვეში ისევ შევიკრიბოთო. მანამდე რა? თუ ასე ფიქრობ მანამდე სად არის სამშობლო შენს ნაწილში? - არა, ესენი არიან გაერთიანებული, შემოიკრიბეს ის ახალგაზრდები, ვინც შეცდომაში შეიყვანეს და ის ორგანიზატორები, ვინც წლებია ებრძვიან ჩვენს სუვერენიტეტს, იდენტობას, ეკლესიას, მართლმადიდებლობას. ეს უსამშობლოები აგრძელებენ ამ მარაზმს“, - აღნიშნა ზარქუამ.

რაც შეეხება არასამთავრობოების განცხადებას, რომ „რუსულ კანონს არ დაემორჩილებიან“, ზარქუამ აღნიშნა, რომ ეს მათი უფლებაა, მაგრამ არსებობს კანონი, რომელიც ჯარიმებს ითვალისწინებს.

„ეს მათი უფლებაა. ჩვენ გვაქვს კანონი, რომელიც ჯარიმებს ითვალისწინებს. პირველ ჯერზე თუ არ ვცდები 20 ათასია, შემდეგ 25 ათასი. გააგრძელებენ და კი ბატონო, ბიუჯეტი შეივსება. ამ ბიუჯეტით შემდეგ ბევრ სოციალურ მიმართულებას დავაფინანსებთ, ინფრასტრუქტურას განვავითარებთ და კარგია. ის ვინც კონსტიტუციურ ჩარჩოებს მოერგება, გააგრძელებს მუშაობას ჩვეულებრივად, ვინც არა - დაჯარიმდება”, - აღნიშნა ირაკლი ზარქუამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024