ირაკლი ზარქუა - როცა თავს დაიფასებ, ღირსებას და ქართველი ხალხის ნებას დაიცავ და შენს სუვერენიტეტს მეტად გააძლიერებ, მერე ყველა მოვა და პატივს გცემს - სანქციებით შანტაჟი არ გამოვა, შანტაჟი კი არა იმპერიები გვეომებოდნენ

როდესაც შენ თავს დაიფასებ, ღირსებას და ქართველი ხალხის ნებას დაიცავ და შენს სუვერენიტეტს კიდევ უფრო მეტად გააძლიერებ, მერე ყველა მოვა და პატივს გცემს - ჩვენო სტრატეგიულო პარტნიორებო, გთხოვთ გაითვალისწინოთ, რომ ეს არის უძველესი ცივილიზაციის მქონე სახელმწიფო, ღირსეული ერი დიდი წარსულით და ისტორიით, სანქციებით შანტაჟი არ გამოვა იმიტომ, რომ ასე არ მოსულა ეს ქვეყანა, - ამის შესახებ საპარლამენტო უმრავლესობის წევრმა, ირაკლი ზარქუამ ჟურნალისტებთან საუბრისას განაცხადა.

ზარქუას თქმით, „ჩვენ ვართ სახელმწიფო, რომელიც აღასრულებს ქართველი ხალხის ნებას და სურვილს, რომ ქვეყანა უფრო მეტად იყოს დაცული, რომლის მიმართაც დასავლეთიდან, აღმოსავლეთიდან, ჩრდილოეთიდან და სამხრეთიდან ყველას აქვს ინტერესი, რომ გავლენის ქვეშ იყოს“.

„მთელი ევროპა, მათ შორის გახსოვთ ევროკავშირის ელჩების დემარში, რომლებიც გვთხოვდნენ, რომ სააკაშვილი იქიდან უნდა გამოუშვათ, თორემ კანდიდატის სტატუსს ვერ ეღირსებითო. გახსოვთ რეზოლუციები რეზოლუციაზე რომ მოდიოდა ევროპარლამენტიდან. ფოტიგები, კუბილიუსები, რაისები და ა.შ, რომ კანდიდატის სტატუსს ვერ მიიღებთ თუ იმას [მიხეილ სააკაშვილს] არ გამოუშვებთო. არ გამოვუშვით და ჩვენ დამსახურებულად მივიღეთ კანდიდატის სტატუსი. როდესაც შენ თავს დაიფასებ, ღირსებას და ქართველი ხალხის ნებას დაიცავ და შენს სუვერენიტეტს კიდევ უფრო მეტად გააძლიერებ, მერე ყველა მოვა და პატივს გცემს. ჩვენ, დიახ, ამ მოდელის მომხრე ვართ - არა ცალ ფეხზე, არამედ ღირსებით. კიდევ ერთხელ, ჩვენო სტრატეგიულო პარტნიორებო, გთხოვთ გაითვალისწინოთ, რომ ეს არის უძველესი ცივილიზაციის მქონე სახელმწიფო, ღირსეული ერი დიდი წარსულით და ისტორიით. სანქციებით შანტაჟი არ გამოვა იმიტომ, რომ ასე არ მოსულა ეს ქვეყანა. შანტაჟი კი არა იმპერიები გვეომებოდნენ. დღეს იმპერიები არ არსებობენ, საქართველო - მართლმადიდებელი სახელმწიფო, დგას და კიდევ იქნება, სანამ ეს დედამიწა იტრიალებს. ასე რომ, კიდევ ერთხელ მოგიწოდებთ სიმშვიდისკენ და მოგიწოდებთ რომ გაიგოთ - ჩვენც გვაქვს სამშობლო, რომელიც უნდა დავიცვათ ისე, როგორც თქვენ იცავთ უფრო მკაცრი კანონით. ასე რომ, მოგვიტევეთ, მაგრამ ჩვენ ვართ სახელმწიფო, რომელიც აღვასრულებთ ქართველი ხალხის ნებას და სურვილს, რომ ჩვენი ქვეყანა უფრო მეტად იყოს დაცული, რომლის მიმართაც დასავლეთიდან, აღმოსავლეთიდან, ჩრდილოეთიდან და სამხრეთიდან ყველას აქვს ინტერესი, რომ გავლენის ქვეშ იყოს“, - განაცხადა ზარქუამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი