ჟენევაში ინტელექტუალური საკუთრების, გენეტიკური რესურსებისა და გენეტიკურ რესურსებთან დაკავშირებული ტრადიციული ცოდნის შესახებ დიპლომატიური კონფერენცია გაიმართა

შვეიცარიაში, ჟენევაში ინტელექტუალური საკუთრების, გენეტიკური რესურსებისა და გენეტიკურ რესურსებთან დაკავშირებული ტრადიციული ცოდნის შესახებ დიპლომატიური კონფერენცია გაიმართა. ამის შესახებ ინფორმაციას საქართველოს ინტელექტუალური საკუთრების ეროვნულ ცენტრი ავრცელებს.

მათივე ცნობით, კონფერენცია შედგებოდა რამდენიმე რაუნდიანი მოლაპარაკებისგან, რომელთა შედეგადაც ინტელექტუალური საკუთრების მსოფლიო ორგანიზაციის (WIPO) წევრმა ქვეყნებმა, მათ შორის, საქართველოს მხარდაჭერით, მიიღეს ისტორიული მნიშვნელობის ხელშეკრულება ინტელექტუალური საკუთრების, გენეტიკური რესურსებისა და მათთან დაკავშირებული ტრადიციული ცოდნის შესახებ.

„შეთანხმების შედეგად დადგინდა, რომ თუ საპატენტო განაცხადში მოთხოვნილი გამოგონება ეფუძნება გენეტიკურ რესურსებთან დაკავშირებულ ტრადიციულ ცოდნას, განმცხადებელი ვალდებულია განაცხადში მიუთითოს გენეტიკური რესურსების წარმოშობის ქვეყანა ან შესაბამისი წყარო. კონფერენციის ფარგლებში გამართულ მოლაპარაკებებში საქართველოს ინტელექტუალური საკუთრების ეროვნული ცენტრის – „საქპატენტის“ სახელით მონაწილეობა მიიღო საქპატენტის თავმჯდომარის მოადგილემ ნინო ჩიქოვანმა.

გენეტიკური რესურსები ფაქტობრივი ან პოტენციური ღირებულების გენეტიკური მასალაა, რომელსაც შეიცავს, მაგალითად, სამკურნალო მცენარეები, სასოფლო-სამეურნეო კულტურები და ცხოველთა ჯიშები.

მიუხედავად იმისა, რომ გენეტიკური რესურსები თავად არ შეიძლება პირდაპირ იყოს დაცული, როგორც ინტელექტუალური საკუთრება, მათი გამოყენებით შემუშავებული გამოგონებები შეიძლება დაცული იქნეს პატენტის საშუალებით.

ზოგიერთი გენეტიკური რესურსი ასოცირდება ტრადიციულ ცოდნასთან, რომელიც მკვიდრი ხალხებისა და, ასევე, ადგილობრივი თემების მიერ თაობიდან თაობებს გადაეცემა. ხშირად ეს ცოდნა აქტიურად გამოიყენება სამეცნიერო კვლევებში.

აღსანიშნავია, რომ WIPO-ს ორგანიზებით შეთანხმების თაობაზე მოლაპარაკებები მიმდინარეობს 2001 წლიდან და გამოირჩევა მულტიკულტურული, მათ შორის, მკვიდრი ხალხებისა და ადგილობრივი თემების ჩართულობით“, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს