ვოლოდიმირ ზელენსკი - რუსეთი ცდილობს „მშვიდობის სამიტის“ ჩაშლას - ზეწოლას ახდენს ლიდერებზე, ღიად ემუქრება ქვეყნებს დესტაბილიზაციით

უკრაინის პრეზიდენტის, ვოლოდიმირ ზელენსკის განცხადებით, რუსეთი კვლავ ცდილობს ჩაშალოს შვეიცარიაში დაგეგმილი მსოფლიო "მშვიდობის სამიტი" და ახორციელებს ზეწოლას ქვეყნებზე, რომ სამიტს არ დაესწრონ.

ზელენსკის ინფორმაციით კონფლიქტის მოგვარების გლობალურ ძალისხმევასთან ახლა თითქმის 100 ქვეყანა და საერთაშორისო ორგანიზაციაა დაკავშირებული.

„რუსეთი ვეღარ შეძლებს სამიტის ჩაშლას, თუმცა ძალიან ცდილობს ამის გაკეთებას. ეს ახორციელებს ზეწოლა ლიდერებზე, ღიად ემუქრება სხვადასხვა ქვეყნებს დესტაბილიზაციით და ეს არის ერთ-ერთი შედეგი იმისა, რომ მსოფლიო ტერორისტულ სახელმწიფოს ძალიან დიდ დროს აძლევს“, - აღნიშნა ზელენსკიმ.

მისი თქმით, უკრაინის მთავრობის, პარლამენტის და სხვა ინსტიტუტების წარმომადგენლები მუშაობენ იმაზე, რომ რაც შეიძლება მეტი ქვეყანა დაესწროს სამიტს და ის ნამდვილად ეფექტური იყოს, რაც საჭიროა რეალურ მშვიდობასთან დასაახლოებლად.

ზელენსკის სურს, რომ სამიტმა, რომელიც დაგეგმილია 15-16 ივნისს შვეიცარიაში, შექმნას ფრონტი რუსეთზე ზეწოლის განსახორციელებლად და მისი "მშვიდობის ფორმულის" წინსვლისთვის - რომელიც რუსული ჯარების გაყვანას და უკრაინის 1991 წლის საზღვრების აღდგენას ითვალისწინებს. სამიტის შვეიცარიელ მასპინძლებს რუსეთი არ მიუწვევიათ და მოსკოვი აცხადებს, რომ ღონისძიებას, მისი მონაწილეობის გარეშე, აზრი არ აქვს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი