ირანში საპრეზიდენტო არჩევნებისთვის კანდიდატების რეგისტრაცია დაიწყო, -ამის შესახებ ინფორმაციას Associated Press-ი ავრცელებს.

28 ივნისს გასამართ ირანის საპრეზიდენტო არჩევნებში მონაწილეობის მსურველი კანდიდატები რეგისტრაციას 5 დღის განმავლობაში შეძლებენ.

პრეზიდენტობის კანდიდატებს საბოლოოდ ირანის მეურვეთა საბჭო დაამტკიცებს, რომელიც 12 წევრისგან შედგება და ზედამხედველობას ირანის უზენაესი ლიდერი, აიათოლა ალი ხამენეი უწევს.

შეგახსენებთ, ირანის პრეზიდენტი ებრაჰიმ რაისი, ქვეყნის საგარეო საქმეთა მინისტრი ჰოსეინ ამირ-აბდოლაჰიანი და სხვა ოფიციალური პირები, 19 მაისს ავიაკატასტროფის შედეგად დაიღუპნენ.