გურამ მაჭარაშვილი - ეს ჩინური კომპანია რუსეთს აწყობსო - შე დალოცვილო, თუ პოლიტიკა არ იცი გავიგე, მაგრამ ეკონომიკა მაინც არ უნდა იცოდე? როგორ შეიძლება რუსეთს აქ ჩინური კომპანია აწყობდეს, როდესაც პირდაპირი კონკურენტია?

ეს ჩინური კომპანია რუსეთს აწყობსო - შე დალოცვილო, თუ პოლიტიკა არ იცი გავიგე, მაგრამ ეკონომიკა მაინც არ უნდა იცოდე? როგორ შეიძლება რუსეთს აქ ჩინური კომპანია აწყობდეს, როდესაც პირდაპირი კონკურენტია? - ამის შესახებ “ხალხის ძალის” დეპუტატმა, გურამ მაჭარაშვილმა ანაკლიის პორტზე საუბრისას, ოპოზიციონერების განცხადებების შეფასებისას განაცხადა.

მაჭარაშვილის თქმით, ს პირველ რიგში, აწყობს საქართველოს.

„ჩვენ ვნახეთ, რომ ანაკლიის პორტთან დაკავშირებით, პრაქტიკულად გადაწყვეტილია ის საკითხი, რომ საქართველოს უკვე შუა დერეფნის მთავარი როლის შემსრულებელი გახდა, რაც ჩვენთვის არის არამხოლოდ ეკონომიკური თვალსაზრისით სარგებლიანი, ასევე პოლიტიკური წონის გაზრდით თვალსაზრისით. ეს, რა თქმა უნდა, არ მოსწონს ზოგიერთ ქვეყანას და აქაურ რადიკალურ ოპოზიციას. მათი ნარატივი ნახეთ უცოდინარობასთან ერთად. ეს ჩინური კომპანია რუსეთს აწყობსო. შე დალოცვილო, თუ პოლიტიკა არ იცი გავიგე, მაგრამ ეკონომიკა მაინც არ უნდა იცოდე? როგორ შეიძლება რუსეთს აქ ჩინური კომპანია აწყობდეს, როდესაც პირდაპირი კონკურენტია, რომ რუსეთის გზა აღარ იქნება და მისი კონკურენცია იქნება იქნება მინიმუმ ნახევრით შემოკლებული გზა და ხარჯები. როგორ შეიძლება, ეს რუსეთის ფედერაციას აწყობდეს? ეს პირველ რიგში, აწყობს საქართველოს. აქ მთავარი ის კი არ არის, რომ უცოდინრები და მავნებლები არიან, მთავარი ის არის, რომ სიტყვა - საქართველოს არ ახსენებენ. “აწყობს ამერიკას”, “აწყობს სხვა ქვეყანას”, საქართველოს რა აწყობს და რა არა ეს არ აინტერესებთ.

ეს ის პროექტია, რომელიც უკვე ხორციელდება და ვნახეთ, რომ იქ მონაწილეობდა ჩინეთი, აზერბაიჯანი, საქართველო, და ევროკავშირი. რა თქმა უნდა, ევროკავშირის პირდაპირი ინტერესია, რომ ჩინური პროდუქცია ექსპორტზე ნახევარჯერ უფრო შემცირებული, მინიმუმ ხარჯებით და დროში წავიდეს. ეს არის ინტერესი და ამ ღია ეკონომიკას ვერავინ ვერაფერს დაუპირისპირებს”, - განაცხადა გურამ მაჭარაშვილმა.

ცნობისთვის, გუშინ ეკონომიკისა და მდგრადი განვითარების მინისტრმა, ლევან დავითაშვილმა განაცხადა, რომ ჩინური კონსორციუმი ანაკლიის პორტის პროექტის გამარჯვებულად უახლოეს დღეებში გამოცხადდება.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი