პარლამენტის უკანა შესასვლელთან ონკოპაციენტებმა აქცია გამართეს

„მინდა ვიცოცხლო“ - ამ ლოზუნგით პარლამენტის უკანა შესასვლელთან ონკოპაციენტებმა აქცია გამართეს. ისინი ულიმიტო პერსონალიზებულ მედიცინას ითხოვენ.

ასევე, მათ პარლამენტთან მიტანილი ჰქონდათ პლაკატები წარწერით: „ჩვენ ერთად ვიბრძვით სიცოცხლისთვის“, „სიცოცხლისთვის ბრძოლის დრო არის ახლა!“, „ჯანმრთელობის უფლება ყველას!“ „მხარდაჭერა ონკოპაციენტებს! ევროპული სტანდარტის ჯანდაცვა! არა რუსულ კანონს!

ონკოპაციენტების მხარდამჭერი ორგანიზაცია „კავშირი სიცოცხლისთვის“ დამფუძნებელის, გვანცა აფხაიძის თქმით, მხოლოდ რამდენიმე მედიკამენტი შედის საყოველთაო დაფინანსების პროგრამაში, სრული სპექტრის სიმსივნეების მედიკამენტები დაფინანსებაში არ შედის.

„ჩვენ გავიგეთ, რომ ბატონი მიხეილ სარჯველაძე პარლამენტში მობრძანდება. სწორედ, ამიტომ გადავწყვიტეთ, რომ მას პარლამენტთან დავხვედროდით და შეგვეხსენებინა, რომ ჩვენი ქვეყანა ონკოპაციენტებისთვის არ არის უსაფრთხო. ონკოპაციენტები ჩვენს ქვეყანაში სრულფასოვან ჯანმრთელობის დაცვის სერვისებს ვერ იღებენ. ჩვენს ქვეყანაში არ არის წამლები, დეპიფიციტია უკვე რამდენიმე თვეა. კერძოდ, ის მცირე ჩამონათვალი მედიკამენტების, რაც წესით ქვეყანაში ხელმისაწვდომი უნდა იყოს. ჩვენ რამდენიმე შეხვედრა ბატონ მიხეილთან გვქონდა და დაგვპირდა, რომ გამოასწორებდა ჯანდაცვაში არსებულ ხარვეზებს, თუმცა ჯერჯერობით არაფერი არ გამოსწორებულა. ონკოპაციენტებისთვის დაფინანსება ისევ აგვიანებს, ისევ „პროტეჟე“ სჭირდებათ. კერძოდ, საპატრიარქოდან თუ სამთავრობო უწყებიდან რომ დარეკონ და მხოლოდ ამის შემდეგ უფინანსებენ. ასევე, ონკოპაციენტებს, არც ერთი კვლევა არ უფინანსდებათ, მხოლოდ მცირე ფასიანი ანალიზები უფინანსდებათ. არავის უფინანსდება გვერდითი მოვლენების მართვა, რასაც ქიმიოთერაპია იწვევს.

ასევე, მინდა ვთხოვო მიხეილ სარჯველაძეს, რომ ჯანდაცვიდან ნუ აგზავნის ევროკავშირის ქვეყნებში წასულ ონკოპაციენტებზე წერილებს, რომ ჩვენი ქვეყანა არის უსაფრთხო ონკოპაციენტებისთვის, რადგან ჩვენი ქვეყანა ნამდვილად არ არის უსაფრთხო ონკოპაციენტებისთვის. ისინი აქ რომ ჩამოვლენ განწირულები არიან.

მხოლოდ რამოდენიმე მედიკამენტი შედის საყოველთაო დაფინანსების პროგრამაში, სრული სპექტრის სიმსივნეების მედიკამენტები დაფინანსებაში არ შედის. როდესაც მიხეილ სარჯველაძეს ვთხოვე დაემატებინა ეს მედიკამენტები, მან მითხრა, რომ ამ ეტაპზე ვერ დავამატებთ იმიტომ, რომ სამინისტროს თანხები არ აქვს.

ასევე, ძვირადღირებულ მედიკამენტებს მხოლოდ ერთხელ აფინასნებს რეფერალური, იმ მედიკამენტს, რომელიც საყოველთაო დაფინანსების პროგრამაში არ შედის და ამასთან, დაფინანსებაც აგვიანებს”, - განაცხადა გვანცა აფხაიძემ.

შეგახსნებთ, რომ დღეს პარლამენტში ჯანდაცვის მინისტრს, მიხეილ სარჯველაძეს „მინისტრის საათის“ ფორმატში მოუსმენენ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?