საქართველოს სახალხო დამცველი ლევან იოსელიანი სრულიად საქართველოს მუსლიმთა სამმართველოს აღმოსავლეთ საქართველოს მუფთის ეტიბარ ემინოვს და შეიხ თაიგ ნაბიევს შეხვდა. ამის შესახებ ინფორმაციას სახალხო დამცველის აპარატი ავრცელებს.

ინფორმაციის თანახმად, გაცნობითი ხასიათის შეხვედრაზე საუბარი შეეხო საქართველოში არსებულ ტოლერანტულ გარემოს და სახალხო დამცველის საქმიანობას ქვეყანაში ტოლერანტული კულტურის დასამკვიდრებლად.

„ამასთან, განიხილეს მუსლიმური რელიგიური ნაგებობების საკითხი და სახელმწიფოს მხარდაჭერის გაძლიერების მნიშვნელობა. მხარეებმა ისაუბრეს ასევე, საქართველოში მოქმედ რელიგიურ ორგანიზაციებს შორის თანამშრომლობის გაღრმავების საკითხზე და ამ მიმართულებით სახალხო დამცველის როლზე“,- აღნიშნულია ინფორმაციაში.