მნიშვნელოვანია, რომ ჩვენმა დასავლელმა პარტნიორებმა იცოდნენ, ვინ მოაწერა ხელი, რუსული კანონის ამოქმედებას. საქმეს არავის გავუადვილებთ - ჩვენ მედგრად და აქტიურად ვართ, - ამის შესახებ „საერთაშორისო გამჭვირვალობა-საქართველოს” დირექტორმა, ეკა გიგაურმა ჟურნალისტებს განუცხადა.

მან ასევე ისაუბრა, მესამე სექტორის საკონსტიტუციო სარჩელზე, რითაც მოითხოვენ გაუქმდეს „უცხოური გავლენის გამჭვირვალობის შესახებ“ კანონის სადავო მუხლები.

„ჩვენთვის ძალიან მნიშვნელოვანია, რომ პოლიტიკოსი იქნება, თუ მოსამართლე, რომელიც საკონსტიტუციო სასამართლოშია, ან ის მოსამართლე, რომელიც აჯარიმებს ჩვენ აქტივისტებს, ყველა ეს ადამიანი იდენტიფიცირებული გვყავდეს და ვიცოდეთ, ვინ აწერს ხელს რუსული კანონის ამოქმედებას და საქართველოს რუსეთისკენ წაყვანას. ამიტომაც, ერთ-ერთი მიზეზი ზუსტად არის ის, რომ სარჩელი შეგვაქვს საკონსტიტუციო სასამართლოში. ამის შემდეგ, სტრასბურგსაც განვიხილავთ, სადაც შეგვაქვს სარჩელი, ეს სამუშაოები უკვე, ფაქტობრივად, დასრულებული და ყველაფერი გაკეთებულია. ამიტომ, ჩვენ მედგრად და აქტიურად ვართ, სხვადასხვა გეგმა გვაქვს იმასთან დაკავშირებით, როგორ შევაჩეროთ ამ კანონის ამოქმედება”. განაცხადა ეკა გიგაურმა.