ნინო ლომჯარია - მნიშვნელოვანია, საკონსტიტუციო სასამართლოში წარდგენილი იქნას მედია და არასამთავრობო ორგანიზაციების ერთიანი სარჩელი

ყოფილი სახალხო დამცველის, ნინო ლომჯარიას განცხადებით, მნიშვნელოვანია საკონსტიტუციო სასამართლოში წარდგენილი იქნას იმ მედია და არასამთავრობო ორგანიზაციების ერთიანი სარჩელი, რომელსაც „უცხოური გავლენის გამჭვირვალობის შესახებ“ კანონი ეხება.

მისი თქმით, აღნიშნული კანონის სადავო მუხლების გასაუქმებლად მესამე სექტორი, პირველ რიგში, გამოიყენებს საკონსტიტუციო სასამართლოს და ასევე, სამართლებრივი გუნდი მუშაობს ალტერნატიული დავის მექანიზმებზეც.

“კოორდინაცია ნამდვილად იქნება ყველა იმ ინსტიტუტთან, თუ სუბიექტთან, რომელიც უფლებამოსილია საკონსტიტუციო სარჩელით მიმართოს სასამართლოს. ჩვენთვის მნიშვნელოვანია, რომ ერთიანი სარჩელი იყოს, მათ შორის მედიაორგანიზაციების, თუ არასამთავრობო ორგანიზაციების, რათა ერთიანი სტრატეგიით წავიდეთ და დავაზღვიოთ, მათ შორის სამართლებრივი რისკები”, - განაცხადა ლომჯარიამ.

მისი თქმით, აღნიშნული კანონი არღვევს საქართველოს კონსტიტუციას და საერთაშორისო უფლებებს, მათ შორის ევროპის კონვენციას ადამიანის უფლებების შესახებ.

“ამაზე ძალიან დეტალურად საუბრობს ვენეციის კომისია, საუბარია გამოხატვის თავისუფლების შეზღუდვაზე, შეკრების, გაერთიანების უფლებაზე, სტიგმატიზაციაზე, დისკრიმინაციის აკრძალვის კანონმდებლობას არღვევს და საერთო ჯამში, არის ანტიკონსტიტუციური, ადამიანის უფლებების და დემოკრატიული პრინციპების საწინააღმდეგო და ხელს უშლის მედიის თავისუფლებას. პრინციპში, არ რჩება ადამიანის უფლება და თავისუფლება, რაზეც დგას დემოკრატიული საზოგადოება, რასაც არ არღვევს კანონი და ეს დასკვნაში თქვა ეუთო/ოდირმა და ვენეციის კომისიამ”, - განაცხადა ლომჯარიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024