კიევში, სარაკეტო იერიშის შედეგად, ხანძარი გაჩნდა
კიევში, რუსების მიერ განხორციელებული სარაკეტო თავდასხმის შედეგად, ხანძარი გაჩნდა და ექვსი ავტომობილი, საწყობი და ავტოსამრეცხაო დაზიანდა, - ინფორმაციას უკრაინული მედია ავრცელებს.
კიევის საქალაქო სამხედრო ადმინისტრაციის ინფორმაციით, ხანძარმა დაახლოებით 120 კვადრატული მეტრი ფართობი მოიცვა.
„დაშავებულების ან დაღუპულების შესახებ ინფორმაცია ჯერ არ ვრცელდება! - აცხადებენ უწყებაში.
უკრაინის შეიარაღებული ძალების საჰაერო ძალებმა მოგვიანებით განაცხადეს, რომ რუსებმა დედაქალაქს კურსკის ოლქიდან, „ისკანდერის“ რაკეტით დაარტყეს.
„ჩვენმა მცველებმა კიევის ოლქში „ისკანდერ-კ“ გაანადგურეს. მტრის მიერ გაშვებული ყველა დრონი განადგურდა დნეპროპეტროვსკის, ზაპოროჟიესა და კიევის ოლქებში“, - აცხადებენ უკრაინის საჰაერო ძალებში.
