პაატა მანჯგალაძე - ეუთო/ოდირის შეფასებაში გაბათილებულია „ქართული ოცნების“ ყველა არგუმენტი, თითქოს „უცხოური გავლენის გამჭვირვალობის შესახებ“ კანონის მიზანი გამჭვირვალობა იყო

„სტრატეგია აღმაშენებლის“ გენერალური მდივნის, პაატა მანჯგალაძის განცხადებით, ეუთო/ოდირის შეფასებაში გაბათილებულია „ქართული ოცნების“ ყველა არგუმენტი, თითქოს „უცხოური გავლენის გამჭვირვალობის შესახებ“ კანონის მიზანი გამჭვირვალობა იყო.

როგორც მანჯგალაძემ ბრიფინგზე განაცხადა, დასკვნაში უამრავი სამართლებრივი არგუმენტია იმასთან დაკავშირებით, რომ არ შეიძლება ამ კანონის მიღება ისეთ ქვეყანაში, რომელსაც უნდა, ევროპული ოჯახის წევრი გახდეს.

„ჩვენი მიმართვის საფუძველზე ჩამოვიდა ეუთო/ოდირის დასკვნა, რომელიც პირდაპირ ამბობს, რომ ე.წ. რუსულ კანონს არაფერი აქვს საერთო დემოკრატიასთან, უფრო მეტიც პირდაპირ ეწინააღმდეგება ადამიანის უფლებების დაცვის ევროპულ სტანდარტებს. ამ დასკვნაში შეფასებაში, გაბათილებულია ყველა არგუმენტი „ქართული ოცნების“ თითქოს მათი მიზანი იყო გამჭვირვალობა და სხვა რამეს არ ისახავდა მიზნად. აქ დეტალურადაა აღწერილი, რომ ამ „რუსულ კანონს“ არაფერ აქვს საერთო არც ამერიკულ ფარასთან, არც ავსტრალიურ კანონთან და პირდაპირაა საუბარი, რომ დაფინანსების წყაროს მიხედვით ადამიანის უცხოეთის სამსახურში მყოფად, ან აგენტად გამოცხადება არ შეესაბამება ევროპულ სტანდარტებს. ასევე გაბათილებულია არგუმენტები, გამჭვირვალობასთან დაკავშირებით, იმიტომ, რომ ეს არ არის მიზნის მიღწევის საშუალება. შემოთავაზებულია, რომ თუ სხვა საკითხები დაკავშირებულია უსაფრთხოებასთან, უნდა შევიდეს ცვლილება შესაბამის კანონში და ადამიანების სტიგმატიზება არ უნდა მოხდეს.

„ქართული ოცნება“ სპეკულირებდა, რომ არ არსებობდა სამართლებრივი არგუმენტები. უამრავი სამართლებრივი არგუმენტია ამ დასკვნაში იმასთან დაკავშირებით, რომ არ შეიძლება ამ კანონის მიღება ისეთ ქვეყანაში, რომელსაც უნდა გახდეს ევროპის ოჯახი", - განაცხადა პაატა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024