დიმიტრი ხუნდაძე - ის, რასაც „ნაციონალური მოძრაობა“ აკეთებს, არის თაობათა შორის დაპირისპირება - აგენტურისთვის სამართლებრივი შედეგი აუცილებლად დადგება

„ნაციონალური მოძრაობა“ თაობათა შორის დაპირისპირებას ხელისუფლებაში ყოფნის დროსაც იყენებდა და ამას აკეთებს დღესაც, ოპოზიციაში - აგენტურისთვის სამართლებრივი შედეგი აუცილებლად დადგება, - ამის შესახებ „ხალხის ძალის“ დეპუტატმა, დიმიტრი ხუნდაძემ ჟურნალისტებთან საუბრისას განაცხადა.

მისი თქმით, "ნაციონალური მოძრაობა" ახალგაზრდებს უბიძგებს, რომ მშობლების თაობას დაუპირისპირდნენ და ასეთი ტიპის აგენტურას სამართლებრივი პასუხი მოეთხოვება.

"ის, რაც დღეს თბილისის ქუჩებში ხდება, რომ ახალგაზრდებს ახალისებენ, რათა უფროსი თაობის წარმომადგენლებზე მოახდინონ ფიზიკური, ფსიქოლოგიური და სხვა ტიპის ზეწოლები, მიუღებელია. ეს მახასიათებელია "ნაციონალური მოძრაობისათვის". თაობათა შორის დაპირისპირებას მაშინაც იყენებდა, როცა ხელისუფლებაში იყო და ამას აკეთებს დღესაც. ახალგაზრდებს უბიძგებს, რომ მშობლების თაობას დაუპირისპირდნენ. ასევე, ეძებენ ახალგაზრდებს საკუთარ მშობლებთან დასაპირისპირებლად. მოკითხულია მაგალითად, ჩვენი, დეპუტატების შვილები სად სწავლობენ, სად მუშაობენ, სად ცხოვრობენ, რომ შვილები დაუპირისპირონ მშობლებს. ეს დაუშვებელია. ამავე დროს ეს არის სახიფათო. მერწმუნეთ, ორ თვეში, როდესაც კანონი ბოლომდე ამუშავდება, რა თქმა უნდა, იქნება მოცული. მანამდე ასეთი ტიპის დამკვეთებს, აგენტურას, რა თქმა უნდა, მოეთხოვება სამართლებრივი პასუხი, იმიტომ, რომ ჩვენ ვართ ქვეყანა, სახელმწიფო და არ ვაპირებთ, რომ ასეთი აურზაური შევქმნათ და ქვეყანა მივიდეს მაიდანიზაციამდე. მაიდნის გზა მიდის ომამდე. ჩვენ ყველაზე მეტად სწორედ ახალგაზრდებისთვის ვიბრძვით და მათთვის ვითმენთ ყველაზე მეტს, რომ ისინი არ აღმოჩნდნენ ცეცხლისა და ომის მსხვერპლი. სამართალმა თავისი აუცილებლად უნდა თქვას," - განაცხადა ხუნდაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს