კადეტთა სამხედრო ლიცეუმში მე-13 გამოშვებისადმი მიძღვნილი საზეიმო ღონისძიება გაიმართა

გენერალ გიორგი კვინიტაძის სახელობის კადეტთა სამხედრო ლიცეუმი წელს 80 კადეტმა დაამთავრა.

ამის შესახებ თავდაცვის სამინისტროს მიერ გავრცელებულ ინფორმაციაშია აღნიშნული.

უწყების ცნობით, ქუთაისში, სამხედრო ლიცეუმში მეცამეტე გამოშვებისადმი მიძღვნილი საზეიმო ღონისძიება გაიმართა. ღონისძიებას საქართველოს თავდაცვის მინისტრი ირაკლი ჩიქოვანი, თავდაცვის ძალების მეთაური, გენერალ-მაიორი გიორგი მათიაშვილი, კადეტთა სამხედრო ლიცეუმის დირექტორი, პოლკოვნიკი მალხაზ გოლეთიანი და სხვა სამხედრო მაღალჩინოსნები დაესწრნენ.

თავდაცვის მინისტრმა კურსდამთავრებულებს სიტყვით მიმართა და სასწავლო პროცესის წარმატებით დასრულება მიულოცა.

„ლიცეუმში ჩამოყალიბებული ღირებულებებით, ქვეყნის სიყვარულითა და ღირსებით კადეტთა სამხედრო ლიცეუმის კურსდამთავრებულები აუცილებლად იტყვიან საკუთარ სათქმელს მომავალში, როგორც სამხედრო, ასევე, მათ მიერ არჩეულ სხვა სამოქალაქო საქმიანობებში“, - აღნიშნა მინისტრმა.

„საკუთარ სიტყვაში ირაკლი ჩიქოვანმა ისაუბრა აღმოსავლეთ საქართველოში კადეტთა სამხედრო ლიცეუმის მიმდინარე მშენებლობაზეც და აღნიშნა, რომ თავდაცვის უწყების პოლიტიკა განათლების კუთხით არაერთ პროექტს გულისხმობს.

ღონისძიება კადეტების, ლიცეუმის მასწავლებლებისა და სამხედრო მოსამსახურეების დაჯილდოების ცერემონიალით გაგრძელდა. მოგვიანებით, თავდაცვის მინისტრმა მშენებარე შენობა მოინახულა, სადაც ბიბლიოთეკა, გასართობი სივრცე და საკონფერენციო დარბაზი მოეწყობა. ირაკლი ჩიქოვანმა, ასევე, დაათვალიერა ლიცეუმის ტერიტორიაზე არსებული სასწავლო ცენტრი, სამედიცინო პუნქტი, კადეტების საცხოვრებელი ყაზარმები, სიმულაციური ცენტრი, სპორტული დარბაზი.

ღონისძიების დასრულების შემდეგ, კადეტებმა მოწვეულ სტუმრებს პატრიოტული თემატიკის ლიტერატურულ-შემოქმედებითი კომპოზიცია წარუდგინეს.

კადეტთა სამხედრო ლიცეუმი, საქართველოს ზოგადსაგანმანათლებლო დაწესებულებებს შორის, ინფრასტრუქტურითა და სწავლების დონით ერთ-ერთი გამორჩეულია. ლიცეუმში სწავლის პერიოდში კადეტები არაერთ საგანმანათლებლო პროგრამაში - ეროვნულ ოლიმპიადებში, სასწავლო-შემოქმედებით კონფერენციებში, სხვადასხვა კონკურსსა და ღონისძიებაში მნიშვნელოვან წარმატებას აღწევენ. ლიცეუმი მიზნად ისახავს კადეტთა ინტელექტუალურ, კულტურულ და ფიზიკურ აღზრდას და სამხედრო-სამოქალაქო დონეზე ქვეყნის სამსახურისთვის მათ მომზადებას“,- აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024