თსსუ-ის მოწვეულმა პროფესორმა, ოთარ ვადაჭკორიამ თბილისის სახელმწიფო სამედიცინო უნივერსიტეტში საჯარო ლექციები გამართა

2024 წლის 30 მაისს თბილისის სახელმწიფო სამედიცინო უნივერსიტეტს ეწვია თსსუ-ის მოწვეული პროფესორი, ინსბრუკის (ავსტრია) სამედიცინო უნივერსიტეტის დოქტორი, მიუნჰენის (გერმანია) ლუდვიგ მაქსიმილიანის უნივერსიტეტის დოქტორი, სტომატოლოგიის აკადემიური დოქტორი, მიუნჰენის სტომატოლოგიური კლინიკის - ZiP-Zahnarzt in Pasing-ის ხელმძღვანელი ოთარ ვადაჭკორია.

ვიზიტის ფარგლებში პროფესორმა თსსუ-ის სტუდენტების, რეზიდენტების, ექიმებისა და აკადემიური პერსონალისთვის ქართულ და ინგლისურ ენებზე ჩაატარა ლექციები თემებზე: ციფრული ტექნოლოგიების გამოყენება თანამედროვე ორთოპედიულ სტომატოლოგიაში; ციფრული ტექნოლოგიების გამოყენებით დამზადებული მოუხსნელი ორთოპედიული კონსტრუქციები, კლინიკური შემთხვევების განხილვა.

აღსანიშნავია, რომ შეხვედრამ დამსწრე საზოგადოების დიდი ინტერესი გამოიწვია, რაზედაც მოწმობდა დასმული შეკითხვების საჯარო ლექციისთვის უჩვეულოდ დიდი რაოდენობა.

„დღეს აუდიტორიას გავაცანი დარგის უახლესი მიღწევები, ამ მიმართულებით, გერმანიაში დანერგილი მკურნალობის მეთოდები. მახარებს, რომ სტუდენტების ინტერესი მაღალი იყო და ლექცია ინტერაქციულ რეჟიმში ჩატარდა.

ბედნიერი ვარ, რომ თბილისის სახელმწიფო სამედიცინო უნივერსიტეტის მოწვეულ პროფესორად ვარ არჩეული და მაქვს პატივი, ყველა დაინტერესებულ პირს ჩემი ხედვები და გამოცდილება გავუზიარო”, - განაცხადა პროფესორმა ოთარ ვადაჭკორიამ.

ცნობისთვის, თსსუ-ის მოწვეული პროფესორი, ოთარ ვადაჭკორია ლექციებს თბილისის სახელმწიფო სამედიცინო უნივერსიტეტში 2021 წლიდან ატარებს.

ინფორმაციას თბილისის სახელმწიფო სამედიცინო უნივერსიტეტი ავრცელებს.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი