ევროპასთან ინტეგრაციის კომიტეტმა ტრანსპორტის სფეროში ასოცირების შესახებ შეთანხმებით გათვალისწინებული ვალდებულებების შესრულებაზე და სამომავლო გეგმებზე იმსჯელა

ევროპასთან ინტეგრაციის კომიტეტის სხდომაზე ტრანსპორტის სფეროში ასოცირების შესახებ შეთანხმებით გათვალისწინებულ ვალდებულებათა შესრულების 2014-2024 წლების შედეგები მიმოიხილეს და დარჩენილი ვალდებულებების შესრულების გეგმებზე იმსჯელეს. ამის შესახებ ინფორმაციას პარლამენტის პრესსამსახური ავრცელებს.

„ივნისის ბოლოს 10 წელი სრულდება, რაც საქართველომ ხელი მოაწერა ევროკავშირთან ასოცირების შეთანხმებას, რამაც რეალურად შექმნა ჩვენი ქვეყნის ევროკავშირში ინტეგრაციის ძალიან მნიშვნელოვანი და მყარი ფუნდამენტი. სწორედ, ამ შეთანხმების შესრულებით, საქართველო ნაბიჯ-ნაბიჯ უახლოვდება ევროკავშირს - იმ სივრცეს, რომლის წევრებიც გვინდა რომ ვიყოთ. ამიტომ ძალიან მნიშვნელოვანია, რომ შევაჯამოთ ის 10-წლიანი პერიოდი, რა გააკეთა საქართველომ იმისათვის, რომ ასოცირების შეთანხმება შეესრულებინა, რა გაკეთდა სხვადასხვა მიმართულებით, რომ საქართველო უფრო ახლოს იყოს ევროკავშირთან ვიდრე ის იყო 10 წლის წინ", - განაცხადა ევროპასთან ინტეგრაციის კომიტეტის თავმჯდომარე მაკა ბოჭორიშვილმა.

„ასოცირების შეთანხმების ხელმოწერიდან დღემდე ტრანსპორტის სფეროში განხორციელებულ და ჯერ კიდევ გასატარებელ რეფორმებზე ეკონომიკისა და მდგრადი განვითარების მინისტრის მოადგილე გურამ გურამიშვილმა ისაუბრა.

ანგარიშის მიხედვით, 2014-2024 წლებში, ტრანსპორტის სფეროში ასოცირების შეთანხმებით ნაკისრი ვალდებულებების შესრულების მიზნით არაერთი პროგრესული ნაბიჯი გადაიდგა. სახმელეთო ტრანსპორტის მიმართულებით მიმდინარე რეფორმა ითვალისწინებს მგზავრთა გადაყვანის სფეროს გაჯანსაღებას და ავტოსატრანსპორტო ბაზარზე კონკურენტუნარიანი გარემოს შექმნას, ავტოსატრანსპორტო პროცესის უსაფრთხოების ზრდას, ეკოლოგიური მაჩვენებლების გაუმჯობესებას, მომხმარებელთა მომსახურების ხარისხის გაუმჯობესებას და ა.შ.

სარკინიგზო მიმართულებით მიმდინარე რეფორმით ეტაპობრივად დაიწყება საქართველოს სარკინიგზო ტრანსპორტის სრული რესტრუქტურიზაცია, რაც მიმართული იქნება ევროპული საუკეთესო გამოცდილების შესაბამისად, დარგის ლიბერალიზაციის, მაღალი უსაფრთხოების სტანდარტების დამკვიდრებისა და რკინიგზის, როგორც ინდუსტრიის ეფექტიანობის ამაღლებისკენ.

მთავრობის წარმომადგენლის განმარტებით ასოცირების შეთანხმებით გათვალისწინებული ვალდებულებების დიდი ნაწილი შესრულებულია, ხოლო დარჩენილ დირექტივა/რეგულაციებთან დაახლოებაზე მიმდინარეობს აქტიური მუშაობა“, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024