შალვა პაპუაშვილი - ევროკავშირის დაფინანსებულ მედიასაშუალებას აფხაზეთი და სამხრეთ ოსეთი ცალკე სახელმწიფოებად აქვს მონიშნული, ევროკავშირმა აღიარა ჩვენი ტერიტორიის დაშლა, თუ რასთან გვაქვს საქმე?

ევროკავშირის მიერ დაფინანსებულ ერთ-ერთ მედიასაშუალებას, „ჯემნიუსს“ აფხაზეთი, სამხრეთ ოსეთი და საქართველო ცალკე სახელმწიფოებად აქვს მონიშნული, რა ხდება, ევროკავშირმა აღიარა ჩვენი ტერიტორიის დაშლა, აღიარა ოკუპაცია, თუ რასთან გვაქვს საქმე? - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

მისი თქმით, „საქართველოში ისეთი მედიის დაფინანსება, რომელიც აფხაზეთს და სამხრეთ ოსეთს ცალკე ქვეყნებად მოიხსენიებს, არც ჯდება არც ევროკავშირის და არც ქართულ პოლიტიკაში“.

„შედით „ჯემნიუსის“ ვებგვერდზე, ცალკე სახელმწიფოებად აქვს მონიშნული აფხაზეთი, სამხრეთ ოსეთი და საქართველო, ევროკავშირის მიერ დაფინანსებულ მედიას. რა ხდება, ევროკავშირმა აღიარა ჩვენი ტერიტორიის დაშლა? აღიარა ოკუპაცია, თუ რასთან გვაქვს საქმე? ასეთი უპასუხისმგებლო დონორები რომ არიან საქართველოში, ჯობია, იყვნენ გამჭვირვალე და ხალხის რეაქციებიდან მიხვდებიან, რა არის სწორი და რა – არა. საქართველოში მედიის დაფინანსება, რომელიც აფხაზეთს და სამხრეთ ოსეთს მოიხსენიებს ცალკე ქვეყნებად, არც ევროკავშირის პოლიტიკაში ჯდება და არც ქართულ პოლიტიკაში“, – განაცხადა შალვა პაპუაშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?