გიორგი ამილახვარი - გილოცავთ ბავშვთა დაცვის საერთაშორისო დღეს! -ჩვენი შვილების განათლება და განვითარება არის თავისუფალი, ძლიერი ევროპული სახელმწიფოს შენების უმთავრესი წინაპირობა

საქართველოს განათლების, მეცნიერებისა და ახალგაზრდობის მინისტრი გიორგი ამილახვარი ყველა ბავშვს ბავშვთა დაცვის საერთაშორისო დღეს ულოცავს.

ამის შესახებ ინფორმაციას განათლებისა და მეცნიერების სამინისტრო ავრცელებს.

ამილახვარმა ასევე მიულოცა ბავშვების მშობლებს, მასწავლებლებს და ყველას, ვინც მომავალი თაობების აღზრდას ემსახურება.

„გილოცავთ ბავშვთა დაცვის საერთაშორისო დღეს! ბავშვები არიან ჩვენი ქვეყნის მომავალი, ჩვენი ხვალინდელი დღე. უკლებლივ ყველა პატარა იმსახურებს მშვიდ, უზრუნველ, ლაღ და შესაძლებლობებით სავსე ცხოვრებას. სწორედ ამიტომ, დღეს ჩვენს უმთავრეს საზრუნავს წარმოადგენს ბავშვების განვითარების ხელშეწყობა და თითოეული მათგანისთვის სათანადო პირობების შექმნა.

პირადად მე, შესაძლებლობის ფარგლებში, ყველაფერს გავაკეთებ, რომ საქართველოში ყველა ბავშვისთვის უზრუნველყოფილი იყოს თანაბრად ხელმისაწვდომი, ჯანსაღი და მშვიდი საგანმანათლებლო გარემო, რადგან ჩვენი შვილების განათლება და განვითარება არის თავისუფალი, ძლიერი ევროპული სახელმწიფოს შენების უმთავრესი წინაპირობა.

სწორედ ამ მიზნით, ვაგრძელებთ არაერთი პროექტისა და ინიციატივის განხორციელებას. მჯერა, ერთობლივი ძალებით აუცილებლად მივაღწევთ სასურველ შედეგებს და ახალი თაობა საქართველოსთვის არაერთი წარმატების მომტანი იქნება.

ბავშვებს, მათ მშობლებს, მასწავლებლებს - ყველას, ვინც მომავალი თაობების აღზრდას ემსახურებით, გილოცავთ დღევანდელ დღეს. გისურვებთ მშვიდობას, კეთილდღეობასა და საინტერესო ცხოვრებას ერთიან და ძლიერ საქართველოში”, - განაცხადა ამილახვარმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი