ენტონი ბლინკენმა ღაზაში ცეცხლის შეწყვეტის ახალი გეგმა საუდის არაბეთის, იორდანიისა და თურქეთის საგარეო საქმეთა მინისტრებთან სატელეფონო საუბრისას განიხილა

ენტონი ბლინკენმა ღაზაში ცეცხლის შეწყვეტის ახალი გეგმა საუდის არაბეთის, იორდანიისა და თურქეთის საგარეო საქმეთა მინისტრებთან სატელეფონო საუბრისას განიხილა, - ამის შესახებ ინფორმაციას აშშ-ის სახელმწიფო დეპარტამენტის სპიკერი, მეთიუ მილერი ავრცელებს.

მეთიუ მილერის ცნობით, სატელეფონო საუბრისას აშშ-ის სახელმწიფო მდივანმა ხაზგასმით აღნიშნა, რომ „ჰამასმა“ წინადადება დაუყოვნებლად უნდა მიიღოს.

„ბლინკენმა ხაზგასმით აღნიშნა, რომ ეს წინადადება, როგორც ისრაელის მოქალაქეების, ისე პალესტინელების და რეგიონის გრძელვადიანი უსაფრთხოების ინტერესებში შედის“, - განაცხადა მილერმა.

შეგახსენებთ, აშშ-ის პრეზიდენტმა, ჯო ბაიდენმა ღაზაში ცეცხლის შეწყვეტის შესახებ ისრაელის ახალი წინადადება წარადგინა, რომელიც სამი ეტაპისგან შედგება და ღაზის სექტორის დასახლებული პუნქტებიდან ისრაელის ჯარების გაყვანას, „ჰამასის“ მიერ მძევლების გათავისუფლებას და ღაზის რეკონსტრუქციას მოიცავს. კატარის შუამავლობით ისრაელის წინადადება „ჰამასს“ უკვე გადაეცა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი