ჯო ბაიდენი დონალდ ტრამპის განაჩენზე - ამერიკული პრინციპი, რომ კანონზე მაღლა არავინ დგას, კიდევ ერთხელ დადასტურდა

ამერიკული პრინციპი, რომ კანონზე მაღლა არავინ დგას, კიდევ ერთხელ დადასტურდა, - ასე გამოეხმაურა აშშ-ის პრეზიდენტი, ჯო ბაიდენი ნაფიც მსაჯულთა სასამართლოს მიერ დონალდ ტრამპთან დაკავშირებით გამოტანილ განაჩენს.

„ამერიკული პრინციპი, რომ კანონზე მაღლა არავინ დგას, კიდევ ერთხელ დადასტურდა. დონალდ ტრამპს თავის დასაცავად ყველა შესაძლებლობა მიეცა. საქმე შტატის დონეზე და არა ფედერალურ დონეზე, 12-მა ნაფიცმა მსაჯულმა განიხილა, თქვენმა მსგავსმა 12-მა ამერიკელმა“, - განუცხადა ჯო ბაიდენმა ჟურნალისტებს.

აშშ-ის პრეზიდენტმა აღნიშნა, რომ დონალდ ტრამპს გასაჩივრების შესაძლებლობა ექნება, რადგან ამერიკული მართლმსაჯულების სისტემა ასე მუშაობს.

„წინდაუხედავი, საშიში და უპასუხისმგებლოა იმის თქმა, რომ ეს გაყალბდა, რადგან ვიღაცას განაჩენი არ მოსწონს. ჩვენმა მართლმსაჯულების სისტემამ თითქმის 250 წელს გაუძლო და იგი ამერიკის ქვაკუთხედს წარმოადგენს“, - აღნიშნა აშშ-ის პრეზიდენტმა.

შეგახსენებთ, გუშინ, ნიუ-იორკის ნაფიც მსაჯულთა სასამართლომ აშშ-ის ყოფილი პრეზიდენტი, დონალდ ტრამპი ფინანსური დოკუმენტების გაყალბების საქმეზე 34-ვე ბრალდებაში დამნაშავედ ცნო.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024