ინდოეთში საყოველთაო არჩევნების ბოლო რაუნდი დაიწყო. ინდოეთში არჩევნები ექვსი კვირის განმავლობაში გრძელდება და სულ ხმის მიცემის 7 რაუნდი იმართება. ბოლო რაუნდის ფარგლებში, რომელიც ახლა მიმდინარეობს, საკუთარ არჩევანს ინდოეთის 7 შტატში მცხოვრები 100 მილიონზე მეტი ადამიანი დააფიქსირებს.

ქვეყანაში ახალი მოწვევის პარლამენტს 5 წლის ვადით ირჩევენ. წინასწარი გამოკითხვების მიხედვით, არჩევნებში მოქმედ პრემიერ-მინისტრ ნარენდრა მოდის „ინდოეთის სახალხო პარტია“ ლიდერობს.

როგორც Reuters წერს, ინდოეთის საპარლამენტო არჩევნები მსოფლიოს ყველაზე მასშტაბური ხმის მიცემის პროცედურაა. მასში მონაწილეობას ჯამში 970 მილიონზე მეტი მოქალაქე იღებს, რაც პლანეტის ზრდასრული მოსახლეობის დაახლოებით 10%-ია.

არჩევნების საბოლოო შედეგები 4 ივნისს გამოქვეყნდება.