პუტინი, ლუკაშენკო და კადაფი არ იქცეოდნენ დიპლომატებთან მიმართებით ისე, როგორც იქცევა უტიფარი, გაუნათლებელი კობახიძე,- ასე შეაფასა „სტრატეგია აღმაშენებლის“ ლიდერმა გიორგი ვაშაძემ ის ფაქტი, რომ დიპლომატიური კორპუსის წარმომადგენლები მიწვევის მიუხედავად პოლიციის დღისადმი მიძღვნილ ღონისძიებას არ დაესწრნენ.

მისივე შეფასებით, დიპლომატიური კორპუსის ეს გადაწყვეტილება იმითაც არის განპირობებული, რომ შინაგან საქმეთა სამინისტრო იქცა „ქართული ოცნების“ მთავარ მოძალადე იარაღად.

„აბსოლუტურად ლოგიკურია, იმიტომ, რომ პერსონალურად ესხმიან თავს დიპლომატიურ კორპუსს. მე არ ვიცი ეს სად ისწავლა, პუტინი, ლუკაშენკო და კადაფი არ იქცეოდნენ დიპლომატებთან მიმართებით ისე, როგორც იქცევა უტიფარი, გაუნათლებელი კობახიძე. უტვინობის დამადასტურებელია როგორც ის იქცევა საერთოდ. რაც შეეხება მეორე საკითხს, შინაგან საქმეთა სამინისტრო იქცა ტერორისტული დაჯგუფების, „ქართული ოცნების“ მთავარ მოძალადე იარაღად და რა თქმა უნდა, ეს არ არის მისაღები ცივილიზებული სამყაროსთვის და ლოგიკურია დიპლომატიური კორპუსის ეს რეაქცია [რომ ისინი შსს-ს ღონისძიებაზე არ იყვნენ]“, - განაცხადა ვაშაძემ.