„ექსპო ჯორჯიაში” თბილისის წიგნის საერთაშორისო 26-ე ფესტივალი მიმდინარეობს

„ექსპო ჯორჯიაში” თბილისის წიგნის საერთაშორისო 26-ე ფესტივალი მიმდინარეობს.

ფესტივალი „ექსპო ჯორჯიას“ მე-11 პავილიონში 30 მაისს გაიხსნა და 2 ივნისის ჩათვლით გაგრძელდება.

ფესტივალის ფარგლებში მოწყობილია სცენა, სადაც ქართველი მწერლების მონაწილეობით შეხვედრები და პრეზენტაციები გაიმართა.

ორგანიზატორების ინფორმაციით, ფესტივალზე მისულ სტუმრებს საშუალება ექნებათ, შეიძინონ მათთვის სასურველი წიგნები, შეხვდნენ საყვარელ მწერლებს და სხვადასხვა ფასდაკლებებით ისარგებლონ.

„პალიტრა ჰოლდინგის“ მარკეტინგის ხელმძღვანელის მარიამ გიორგაძის განცხადებით, წლევანდელმა ფესტივალმა მკითხველის განსაკუთრებული ინტერესი გამოიწვია.

„26-ე საერთაშორისო ფესტივალი მესამე დღეა მიმდინარეობს. ხალხის უწყვეტი ნაკადია. მიმდინარე მოვლენების გათვალისწინებით, გვქონდა მოლოდინი, რომ შესაძლოა ხალხს არ ჰქონოდა იმის ხალისი და სურვილი, რომ ფესტივალზე მოსულიყო. თუმცა გამოჩნდა, რომ ხალხის ინტერესი და სიყვარული ლიტერატურის მიმართ არ ნელდება და მეტიც - წლევანდელმა ფესტივალმა განსაკუთრებული ინტერესი გამოიწვია. თუმცა შეცვლილია ის, თუ რას ითხოვენ - უფრო კლასიკოსებისა და ქართველ კლასიკოსი ავტორების მიმართაა ინტერესი - ითხოვენ “პალიტრა კლასიკას” და “იკითხე კლასიკას”. მნიშვნელოვანია ისიც, რომ ღონისძიებებმა, რომელიც სამი დღის განმავლობაში იყო დაგეგმილი, დიდი ინტერესის ფონზე ჩაიარა. ძალიან დიდი დასწრება იყო. ესეც მეტყველებს იმაზე, რომ აქ მოსულ ადამიანებს ასეთი ტიპის შეხვედრები და პრეზენტაციები მოსწონთ და მხოლოდ წიგნების შესაძენად არ მოდიან”,- განაცხადა მარიამ გიორგაძემ.

გარდა ამისა, მარიამ გიორგაძის თქმით, ფესტივალის ფარგლებში ცალკე პავილიონში მოწყობილია საბავშვო სივრცე, სადაც ბავშვთა დაცვის დღესთან დაკავშირებით ბავშვებს სხვადასხვა აქტივობა და შეთავაზება დახვდებათ.

„დღეს ბავშვთა დაცვის დღეა. ბავშვებისთვის სპეციალურად ცალკე პავილიონშია მოწყობილი საბავშვო სივრცე, სადაც მათ არაჩვეულებრივი გამოცემები, შეთავაზებები და ფასდაკლებები დახვდებათ. “საბავშვო კარუსელი” 20 წლისაა და ამასთან დაკავშირებით, “კარუსელმა” პატარ-პატარა სიურპრიზები და აქტივობები დაახვედრა პატარა მკითხველს მე-6 პავილიონში. ასე რომ, თუ ვინმე კიდევ ფიქრობს, სად წაიყვანოს ბავშვი და 1-ელ ივნისს, სად შეიძლება დრო გაატაროს ოჯახთან ერთად, წიგნის ფესტივალი არის ერთ-ერთი საუკეთესო ლოკაცია ბავშვთა დაცვის დღისთვის”,- განაცხადა მარიამ გიორგაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024