ვასო ურუშაძე „ნაციონალური მოძრაობის“ ოფისზე თავდასხმაზე - ეს არის ის, რისი შეთავაზებაც შეუძლია ხელისუფლებაში ყოფნის 12 წლის თავზე ბიძინა ივანიშვილს საქართველოს მოქალაქეებისთვის
ეს არის ის, რისი შეთავაზებაც შეუძლია ხელისუფლებაში ყოფნის 12 წლის თავზე ბიძინა ივანიშვილს საქართველოს მოქალაქეებისთვის,- ამის შესახებ „ერთიანი ნაციონალური მოძრაობის“ ანტიკორუფციული მიმართულების მდივანმა, ვასო ურუშაძემ პარტიის ოფისზე მომხდარი თავდასხმის თაობაზე განაცხადა.
მისი თქმით, ნაცვლად იმისა, რაც ხდება „ქართული ოცნება“ უნდა საუბრობდეს იმ პრობლემებზე, რაც ქვეყნის მოქალაქეებს აწუხებთ.
„ეს არის ის, რისი შეთავაზებაც შეუძლია ხელისუფლებაში ყოფნის 12 წლის თავზე ბიძინა ივანიშვილს საქართველოს მოქალაქეებისთვის. მაშინ, როდესაც „ქართული ოცნება“ დღეს უნდა საუბრობდეს იმ პრობლემებზე, რომლებიც აწუხებს ჩვენი ქვეყნის მოქალაქეებს, ეს არის უმუშევრობა, ემიგრაცია, გაზრდილი ფასები, მძიმე ეკონომიკური მდგომარეობა ქვეყანაში და ა.შ.“ - განაცხადა ვასო ურუშაძემ, რომლის კომენტარსაც „ნაციონალური მოძრაობა“ ავრცელებს.
