ლევან იზორია მაიკლ როთს - კრიტიკა და უგულებელყოფა სხვადასხვაა, თქვენ გქონდათ მცდელობა, საქართველოს მართლმადიდებელი ეკლესია მომავალი თაობისგან გაგემიჯნათ

ბატონო როთ, კრიტიკა და უგულებელყოფა სხვადასხვაა. თქვენ გქონდათ მცდელობა მომავალი თაობისგან გაგემიჯნათ საქართველოს მართლმადიდებელი ეკლესია, - ამის შესახებ გერმანიაში საქართველოს ელჩი, ლევან იზორია, სოციალურ ქსელ X-ზე წერს, რითაც ეხმიანება გერმანიის პარლამენტის საგარეო ურთიერთობათა კომიტეტის თავმჯდომარის, მაიკლ როთის განცხადებას საქართველოს მართლმადიდებელი ეკლესიის შესახებ.

როგორც იზორია აცხადებს, ქართული ტოლერანტობა, რომელიც სამაგალითოა მთელს მსოფლიოში, სწორედ საქართველოს ეკლესიის წიაღში ჩაისახა.

„ძვირფასო ბატონო როთ, კრიტიკა და უგულებელყოფა სხვადასხვა.

თქვენ გქონდათ მცდელობა მომავალი თაობისგან გაგემიჯნათ საქართველოს მართლმადიდებელი ეკლესია.

ჩვენი ტოლერანტობა სამაგალითოა მთელს მსოფლიოში. ისტორიულად, ის საქართველოს ეკლესიის წიაღში ჩაისახა და იარსებებს მუდამ!” - აღნიშნულია საელჩოს მიერ გავრცელებულ მიმართვაში.

ცნობისათვის, მაიკლ როთმა X-ზე დაწერა: „რელიგიის თავისუფლება და რელიგიის კრიტიკა განუყოფელია. ასე მუშაობს დემოკრატია. ყველა ეკლესია, რელიგია და მათი მრევლი ვალდებულები არიან, გაუძლონ კრიტიკას. ზოგიერთს ამასთან დაკავშირებით ჯერ კიდევ პრობლემები აქვს: ჩემს შემთხვევაში ეს ქართული მართლმადიდებლობაა, ისევე როგორც ისლამი“.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი