სტუ-ის „ნიკო ნიკოლაძის კლუბმა“ ბავშვთა დაცვის საერთაშორისო დღისადმი მიძღვნილი ღონისძიებების კვირეულის ფარგლებში საქველმოქმედო აქცია გამართა

საქართველოს ტექნიკურ უნივერსიტეტში ბავშვთა დაცვის საერთაშორისო დღისადმი მიძღვნილი ღონისძიებების კვირეული დაიწყო.

ამის შესახებ ინფორმაციას საქართველოს ტექნიკური უნივერსიტეტი ავრცელებს.

მათივე ცნობით, კვირეულის ფარგლებში პირველი ღონისძიება „ნიკო ნიკოლაძის კლუბმა“ ჩაატარა.

კლუბის პრეზიდენტის თქმით, ბავშვთა საერთაშორისო დღეს, ერთ-ერთ ყველაზე უძველესი საერთაშორისო დღესასწაულს, საქართველოს ტექნიკური უნივერსიტეტი ყოველწლიურად სხვადასხვა ფორმატში აღნიშნავს.

მარიამ კაკაურიძის განცხადებით, „ნიკო ნიკოლაძის კლუბმა“ დედაენის ბაღში ბავშვებს სასაჩუქრე პაკეტები გადასცა.

„ნიკო ნიკოლაძის კლუბმა“ ბავშვთა საერთაშორისო დღე ღია სივრცეში გადმოიტანა, რითაც ჩვენ შევძელით ნებისმიერი ბავშვისთვის გაგვეხალისებინა დღევანდელი დღე. ეს იყო ზღვა ემოციებით და სიხარულით დატვირთული აქცია, რომლის ფარგლებშიც ბავშვებს სასაჩუქრე პაკეტები, კერძოდ - წიგნი, ფერადი ფანქრების დიდი ნაკრები, სახატავი რვეული, ყვავილები, ასფერიანი ფერადი ცარცი, ფლომასტერი და სხვა, მათთვის საჭირო ნივთები, გადავეცით. ვისარგებლებ შემთხვევით და მადლობას გადავუხდი საქართველოს ტექნიკური უნივერსიტეტის რექტორს, აკადემიკოს დავით გურგენიძეს, ღონისძიების განსხვავებულ ფორმატში ჩატარების ინიციატივისათვის, მხარდაჭერისთვის მადლობა პარტნიორ კომპანიებს. ბავშვებს კი მშვიდობიან საქართველოში ეცხოვროთ“, - აღნიშნა მარიამ კაკაურიძემ.

საქართველოს ტექნიკური უნივერსიტეტის რექტორი ქართველ და მსოფლიოს ბავშვებს ბავშვთა საერთაშორისო დღეს ულოცავს. როგორც აკადემიკოსი დავით გურგენიძე აცხადებს, ბავშვების ბედნიერ მომავალზე პასუხისმგებლობა ძირითადად მშობლებსა და პედაგოგებს ეკისრებათ. კაცობრიობის მთავარი მისია კი მომავალ თაობაზე ზრუნვაა.

„საქართველოს ტექნიკური უნივერსიტეტის სახელით გილოცავთ ბავშვთა საერთაშორისო დღეს! მშვიდობა იყოს კაცობრიობის მომავალი თაობების მთავარი მეგზური ბედნიერებისა და წარმატებისკენ მიმავალ გზაზე. საქართველოს ტექნიკური უნივერსიტეტი არაერთ პროექტს ახორციელებს, რომელიც ბავშვებში ცოდნის სიყვარულის ამაღლებისკენაა მიმართული. 1 ივნისი, უნივერსიტეტმა, „ნიკო ნიკოლაძის კლუბის“ მიერ ორგანიზებული ღონისძიებით დაიწყო. სასიხარულოა, რომ ჩვენი სტუდენტების აქციას - ახალგაზრდები ბავშვებისთვის, მხარს უნივერსიტეტთან ერთად რამდენიმე კომპანია უჭერს. მადლობა მინდა მოვახსენო ყველას და მშვიდობა ვუსურვო ჩვენს მომავალ თაობებს“, - აცხადებს დავით გურგენიძე.

ცნობისთვის, ბავშვთა დაცვის საერთაშორისო დღე ბავშვთა კეთილდღეობისადმი მიძღვნილ 1925 წლის ჟენევის მსოფლიო კონფერენციაზე დაარსდა, ხოლო 1950 წელს, 1 ივნისს პირველად იზეიმეს ბავშვთა დაცვის საერთაშორისო დღე, რის შემდეგაც იგი ყოველ წელს აღინიშნება. საქართველოს ტექნიკური უნივერსიტეტი ბავშვთა საერთაშორისო დღისადმი მიძღვნილი კვირეულის ფარგლებში სხვადასხვა სახის ღონისძიებას ჩაატარებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024