რუსთავში ბავშვთა დაცვის დღე მრავალფეროვანი ღონისძიებებით აღნიშნეს

რუსთავში, ბავშვთა დაცვის საერთაშორისო დღისადმი მიძღვნილი ღონისძიებები გაიმართა. კლდიაშვილის სახელობის სკვერში პატარებისთვის მრავალფეროვანი გასართობი და შემეცნებითი ღონისძიებები, სადღესასწაულო კონცერტები ჩატარდა.

რუსთავის მერიის ინფორმაციით, გაიმართა ადგილობრივ მეწარმეთა ხელნაკეთი ნივთების გამოფენა-გაყიდვა.

„კლდიაშვილის სკვერში მოწყობილი იყო საბავშვო კუთხე, სადაც პატარებს კერამიკის მოხატვა-გაფერადება შეეძლოთ. გაიმართა ანიმაციური გმირების და მოსიარულე დრამერების მსვლელობა, საპნის ბუშტების შოუ, პერფორმანსი ჰელიუმის ბუშტებით, მხატვრული ტანმოვარჯიშეების საჩვენებელი გამოსვლა. ჩატარდა კონცერტი ადგილობრივი საბავშვო სტუდიების მონაწილეობით”, - აღნიშნულია ინფორმაციაში, რომელსაც მერია ავრცელებს.

1-ელი ივნისისადმი მიძღვნილი ღონისძიებები რუსთავში "რანინელებისა” და "კვარტეტ ოთხის" კონცერტით დასრულდა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად