ჩინეთის თავდაცვის მინისტრი - აშშ-ის მიერ ტაივანისთვის იარაღის მიყიდვა ჩინეთისთვის წითელი ხაზია

ტაივანთან მშვიდობიანი გაერთიანების პერსპექტივას სულ უფრო მეტად ანადგურებენ ტაივანელი სეპარატისტები და გარე ძალები, - ამის შესახებ ჩინეთის თავდაცვის მინისტრმა დონ ჯუნმა სინგაპურში, კონფერენციაზე - „შანგრი-ლას დიალოგზე“ სიტყვით გამოსვლისას განაცხადა.

მისი თქმით, ტაივანი ჩინეთისთვის „ძირითადი საკითხების ბირთვია“, მაგრამ ტაივანის მმართველი „დემოკრატიული პროგრესული პარტია“ თანდათან აგრძელებს სეპარატიზმს და ცდილობს წაშალოს ჩინური იდენტობა.

"ამ სეპარატისტებმა ცოტა ხნის წინ გააკეთეს ფანატიკური განცხადებები, რომლებიც აჩვენებს მათ ღალატს ჩინელი ერისა და მათი წინაპრების მიმართ. მათ ისტორია სირცხვილის ბოძზე გააკრავს", - აღნიშნა ჩინეთის თავდაცვის მინისტრმა.

მან ტაივანისთვის აშშ-ის მიერ იარაღის მიყიდვას ჩინეთის „წითელი ხაზების“ გამოცდა უწოდა.

„ისინი ტაივანისთვის უამრავი იარაღის მიყიდვას ახორციელებენ. ასეთი ქცევა ძალიან არასწორ სიგნალებს უგზავნის ტაივანის დამოუკიდებლობის მომხრე ძალებს და აიძულებს მათ ძალიან აგრესიულები გახდნენ. ვფიქრობ, ჩვენ გარკვევით ვაცხადებთ, რომ უცხოური ძალების ნამდვილი მიზანია ტაივანის გამოყენება ჩინეთის შესაკავებლად“, - აღნიშნა ჩინეთის თავდაცვის უწყების ხელძღვანელმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს