უკრაინის პრეზიდენტი, ვოლოდიმირ ზელენსკი ოფიციალური ვიზიტით ფილიპინების დედაქალაქ მანილაში ჩავიდა, - ინფორმაციას უკრაინული მედია ავრცელებს.

მათივე ინფორმაციით, ზელენსკი დღეს, ფილიპინების პრეზიდენტს, ფერდინანდ მარკოსს შეხვდება. შეხვედრის დეტალები, ჯერჯერობით, არ საჯაროვდება.

ზელენსკი შაბათ-კვირას სინგაპურში იმყოფებოდა. მან რამდენიმე ორმხრივი შეხვედრა გამართა, მათ შორის, ამერიკელ კონგრესმენებთან და პენტაგონის ხელმძღვანელთან, ლოიდ ოსტინთან, ასევე სიტყვით გამოვიდა თავდაცვის ფორუმზე.