შალვა პაპუაშვილი - რუსული სტილის პოლიტიკა ქართველი ხალხის მიმართ არ მართლდება - პირიქით, უფრო გვიმყარებს აზრს, რომ ის რაც არის ეროვნულ ინტერესებში, ის გადამწყვეტია

რუსული სტილის პოლიტიკა ქართველი ხალხის მიმართ არ მართლდება. პირიქით უფრო გვიმყარებს აზრს, რომ ის რაც არის ეროვნულ ინტერესებში, ის გადამწყვეტია, - ამის შესახებ პარლამენტის თავმჯდომარემ შალვა პაპუაშვილმა ჟურნალისტებთან საუბრისას განაცხადა, როდესაც მმართველი პარტიის წევრების შესაძლო სანქცირებასთან დაკავშირებულ კითხვას უპასუხა.

მისი შეფასებით, მმართველი პარტია ქვეყნისა და ხალხის ინტერესებს ატარებს. მისივე განცხადებით, ხელისუფლებისთვის მნიშვნელობა არ აქვს თუ როგორი განწყობა აქვთ უცხო ქვეყნებს, საქართველოს კანონმდებლობასთან.

„ეს განწყობა აჩვენებს, თუ რამდენად არ ესმის ოპოზიციას, რას ნიშნავს იყო დამოუკიდებელი ქვეყნის შვილი, წარმოდგენა არ აქვთ. ჩვენ ვუყურებთ რას ფიქრობს ქართველი ხალხი და ვმოქმედებთ ქართველი ხალხის დაკვეთით, ქართველი ხალხის მანდატით, ამიტომ მნიშვნელობა არ აქვს ჩვენი ხელისუფლებისთვის, უცხო ქვეყნებს რა განწყობა აქვთ ჩვენს კანონმდებლობასთან.

ჩვენ ამას ვხედავდით, წლების განმავლობაში რუსეთისგან. საქართველოს რუსეთი ასანქცირებდა, ზუსტად იმიტომ, რომ არ მოსწონდა ის გადაწყვეტილებები, რომელსაც ხელისუფლება იღებდა. ამიტომ ეს რუსული სტილის პოლიტიკა ქართველი ხალხის მიმართ არ მართლდება. პირიქით უფრო გვიმყარებს აზრს, რომ ის რაც არის ეროვნულ ინტერესებში, ის გადამწყვეტია.

რას გააკეთებს სხვა ქვეყანა, ეს მათი საქმეა. ხედავთ, რომ ჩვენს გარდა მუქარა არის საერთაშორისო სისხლის სამართლის სასამართლოს მიმართ, მუქარაა ყოფილი პრეზიდენტის მიმართ. ეს მათი საქმეა რას გააკეთებს სხვა ქვეყანა. ჩვენი საქმეა არის, რომ ვემსახუროთ ქართველ ხალხს და ვიმოქმედოთ ჩვენი ხალხის ინტერესებიდან გამომდინარე“, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024